UNE 152
Asan rọ Cha Ghwa Ujiri Rhe We
(1 Ivie 8:27; 1 Ikun Rivie 29:14)
1. Jihova, wẹwẹ yin m’odjuvwu,
J’odjuvwu na sa gba wẹ rẹ.
Siẹvo k’etinẹ na ra bọnre,
Ra cha vwọ kpahotọ kẹ wẹ.
Ihwo re yan vw’urhukpẹ wẹn na,
Cha ghw’urinrin rhi’uwevwin wẹn.
Ẹga r’avwanre kẹ w’aghọghọ,
Ọ je k’ohw’omavwerhovwẹn.
(URHIẸ)
Wẹwẹ yen k’avwanre
Erọnvwọn ri rh’avwanre.
Obo wọ vwọ k’avwanre,
Y’avwanre vwọ kẹ wẹ.
(EKUO)
Avwanre kpẹvw’owẹ Jihova,
Ji sune r’ujiri kẹ wẹ.
Wọ ch’avwanr’uko b’etinẹ na
Rọ cha ghw’ujiri vwo rhe we.
2. Avwanre b’etinẹ na kẹ wẹ,
Rọ cha ghw’ujiri rh’odẹ wẹn.
O che ru’ọdavwẹ r’idibo wẹn,
Je nẹrh’ihw’efa rhe riẹn wẹ.
J’asan nana ru’ọhọre wẹn dẹn.
Iru’efa herọ re che ruẹ.
Ọmọ wẹn yin k’avwanr’iruo na,
Ch’avwanr’uko vwo ruiruo na.
(URHIẸ)
Ẹgba r’avwanr’eje
V’ekuakua r’avwanr’eje,
Avwanre vw’ayen kẹ wẹ,
Rọ k’avwanre emu’eje.
(EKUO)
Avwanre kpẹvw’owẹ Jihova,
Ji sune r’ujiri kẹ wẹ.
Wọ ch’avwanr’uko b’etinẹ na,
Rọ cha ghw’ujiri vwo rhe we.
