Ra Vwọ Ta Eta Buebun: Wo roro nẹ kemu kemu yen wo che djekpahe-en. Jesu reyọ enọ vwọ chọn ihwo uko vwo roro kpahen obo ro yono ayen. (Mat. 17:24-27) Enọ nẹrhẹ uyono na dia sasasa, ọ je chọn wẹ uko vwọ riẹn oborẹ ohwo ru vwo yono na vwo ẹruọ rọyen kugbe obo ro segbuyota. (be 253 ẹko. 3-4) Siẹrẹ wọ da nọ enọ, vwo edirin hẹrhẹ ẹkpahọnphiyọ na. Ẹkpahọnphiyọ rẹ ohwo na rha gba-a, ukperẹ wọ vwọ kpahenphiyọ onọ na kẹ, gba reyọ enọ efa vwọ chọn uko vwọ kpahenphiyọ. (be 238 ẹko. 1-2) Ta ota vwẹ idjerhe rẹ ohwo wo yono na vwo se vwo ẹruọ rẹ ẹkpo na.—be 230 ẹko. 4.

Rọ Vwọ Dia Reghereghe: Kẹnoma kẹ re vwo dje obo ra riẹnre eje kpahen uyovwinrota na. (Jọn 16:12) Tẹnrovi ẹkpo kiriguo rọhẹ ẹkorota na. (be 226 ẹko. 4-5) Ikuegbe buebun sa nẹrhẹ ẹkpo na ghwru, ọ da tobọ dianẹ ikuegbe na vwerhenre. (be 235 ẹko. 3) Siẹrẹ ohwo ru wo yono na de vwo ẹruọ rẹ ẹkpo na re, kpo ẹkorota rọ vwọ kpahọn

Re Vwo Yono Asan Buebun: Obo re se vwo te ubiudu rẹ ihwo re yono na yen ọdavwẹ rẹ avwanre, ọ dia uche rẹ asan re yonori-i. (Luk 24:32) Reyọ ẹgba rọhẹ Ota rẹ Ọghẹnẹ vwo ruiruo womarẹ wọ vwọ tẹnroviẹ ẹkpo rẹ Baibol kiriguo rehẹ uyono na. (2 Kọr. 10:4; Hib. 4:12; be 144 ẹko. 1-3) Reyọ idje elọlọhọ vwo ruiruo. (be 245 ẹko. 2-4) Roro kpahen ebẹnbẹn kugbe esegbuyota rẹ ohwo ru wo yono na, rere wo ru uyono na nene ọdavwẹ rẹ ohwo na. Nọ enọ kerẹ: “Die wo rorori kpahen oborẹ wo yono na?” “Die yen ọnana yono avwanre kpahen Jihova?” “Erere vọ yen che te we obọ wo de ru nene uchebro na?”—be 238 ẹko. 3-5; 259 ẹko. 1.