Ọ da dianẹ omotete yen avwanre vware vwẹ uwevwin, avwanre nokpẹn rẹ ọsẹ vẹ oni rọyen. Ọnana dje ọghọ phia kẹ ọsẹ vẹ oni na. (Isẹ 6:20) Ọmọ na de durhie avwanre ro uwevwin, avwanre sen. Ọsẹ vẹ oni na rha hẹ uwevwi-in, avwanre rhivwin ọkiọfa.

Ọ da dia emeghene dede, o ji fo nẹ avwanre nokpẹn rẹ ọsẹ vẹ oni rọyen. Ọ da dianẹ ọsẹ vẹ oni na rha herọ-ọ, avwanre sa nọ ọmọ na sẹ ọsẹ vẹ oni rọyen cha rhọnvwe nẹ o se ẹbe rẹ avwanre. Ọ da dianẹ ayen rhọnvwe kẹ, avwanre sa vwẹ ẹbe rẹ avwanre vwọ kẹ, je vuẹ nẹ o kpo jw.org.

Siẹrẹ avwanre de rhivwin bru emeghene ro dje omavwerhovwẹn phia ra, avwanre nokpẹn rẹ ọsẹ vẹ oni rọyen. Ọnana cha kẹ avwanre uphẹn re vwo dje kẹ ọsẹ vẹ oni rọyen oboresorọ avwanre vwọ rhe, ji dje uchebro rẹ aghwanre ra sa vwẹroso rehẹ Baibol na vwọ kẹ orua na. (Une 119:86, 138) Ọghọ rẹ avwanre dje vwọ kẹ esẹ vẹ ini na sa kẹ avwanre uphẹn re vwo ghwoghwo kẹ ihwo rẹ orua na eje.—1 Pita 2:12.