OBORESORỌ Ọ VWỌ GHANRE: Uyono kẹ avwanre uphẹn ra vwọ “so une . . . kẹ Ọrovwohwo” je vwẹ “ejiro” kẹ ọkieje. (Une 149:1) Vwẹ uyono, e yono avwanre nẹ e ru ọhọre rẹ Ọghẹnẹ. (Une 143:10) Ihwo re yono Baibol na kugbe ihwo ri dje omavwerhovwẹn phia yan obaro ugege rẹ ayen da ton uyono ẹra phiyọ.

OBO RE CHE RUO WAN:

• Fobọ durhie ohwo na. Wọ hẹrhẹ ọke wọ vwọ reyọ uyono rẹ Baibol vwo mu tavwe-en.—Ẹvwọ. 22:17

• Dje fiotọ kẹ ohwo na obo rọ sa mrẹ vwẹ uyono na kugbe obo re che yono vwẹ uyono rọ cha na. Erọnvwọn nana sa chọn avwanre uko: ọmọbe re vwo durhie ihwo kpo uyono na, ividio na Die Yen E Ruẹ Vwevunrẹ Ọguan Ruvie?, kugbe uyono 5 vẹ 7 rẹ ibroshọ na Ọhọre ri Jihova

• Vwẹ ukẹcha phia. Ohwo ro dje omavwerhovwẹn phia na guọnọ ukẹcha re vwo muo kpo uyono yẹrẹ nene sane ewun ro shephiyọ? Chidia kẹrẹ vwẹ uyono na, wẹ vẹ ọyen ni ẹbe wẹn kugbe. Dje vwọ kẹ iniọvo efa