Ihwo eje muomaphiyọ ọkiọvo. Omaemuophiyọ dia oka nẹ e rhe vwo esegbuyota kpahen Jihova-a. Jihova tobọ vuẹ avwanre nẹ ọyen muomaphiyọ ọkiọvo. (Jẹ 6:​5, 6) Jẹ, ọ da rha dianẹ wo muomaphiyọ gangan yẹrẹ ọkieje vwo?

Nẹrhovwo rhe Jihova vwọ kẹ ukẹcha. Jihova guọnọ riẹn oborẹ avwanre roro vẹ oborẹ oma ruẹ avwanre. Ọ riẹn ọke rẹ oma vwọ vwerhan avwanre vẹ ọke re de muomaphiyọ. O vwo ẹruọ rẹ oboresorọ avwanre vwo roro ọtiọyen vẹ oboresorọ oma vwo ruẹ avwanre ọtiọyen. (Un 7:9b) Ọ rọ ma rho, Jihova vwo ọdavwẹ rẹ avwanre, ọ je sa chọn avwanre uko vwo yerin ghene omaemuophiyọ yẹrẹ ọkuọrọn dede.—Un 34:18.

Sẹro rẹ iroro wẹn. Erharhe iroro sa dia eshegberudion vwọ kẹ omavwerhovwẹn rẹ avwanre, ọtiọyen ji te ẹga rẹ avwanre. Fikirẹ ọnana, ko fori nẹ a sẹro rẹ ubiudu rẹ avwanre—kọyen ohwo rẹ avwanre hepha vwẹ obevun.—Isẹ 4:23.

NI IVIDIO NA OBORẸ INIỌVO AVWANRE VWỌ RIAVWERHEN RẸ UFUOMA VWẸ ỌKE RẸ OFUDJEVWE, RERE WỌ KPAHENPHIYỌ ENỌ NANA:

• Erọnvwọn vọ yen Nikki ruru re vwẹ ukẹcha kẹ vwo yerin ghene ofudjevwe?

  Ẹkpahọnphiyọ wẹn

• Diesorọ Nikki vwo roro nẹ ofori ọ vwọ guọnọ ukẹcha rẹ ihwo re tẹn ona rẹ omaesivwon?—Mt 9:12

  Ẹkpahọnphiyọ wẹn

• Idjerhe vọ yen Nikki vwọ vwẹroso ukẹcha ri Jihova?

  Ẹkpahọnphiyọ wẹn