OVWAN RA RHẸRẸ!
2022: Ukpe rẹ Ebẹnbẹn vẹ Okpetu—Die Yen Baibol na ta Kpahọn?
Vwẹ ukpe ri 2022, ọkieje yen e vwo nyo iyẹnrẹn rẹ ofovwin, uweren ọgangan, vẹ oghwọrọ rẹ ihworakpọ vwẹ obọ so. Baibol na ọvo yen a da sa mrẹ oborẹ erọnvwọn nana mudiaphiyọ dẹn.
Oborẹ erọnvwọn re phiare vwẹ 2022 ghini mudiaphiyọ
Obo re phiare vwẹ ukpe rọ wanre na nẹrhẹ o phẹn phiyọ nẹ avwanre yerẹn vwẹ ọke ri Baibol seri “oba rẹ ẹdẹ na.” (2 Timoti 3:1) Oba na tonphiyọ vwẹ ukpe ri 1914. Vwo oniso oborẹ erọnvwọn evo re phiare okrinọ-ọ na vwọ rhọnvwephiyọ oborẹ Baibol na ta phiyotọ nẹ e cha phia vwẹ ọke rẹ avwanre na:
“Ofovwi.”—Matiu 24:6.
“2022 Ọyen ukpe ẹkuotọ ri Europe vwọ rhoma rhiẹromrẹ okpetu rẹ ofovwin sua.” a
Ni uyovwinrota na, “Russia Kpare Ofovwin Kpo Ukraine.”
“Owẹvwe.”—Matiu 24:7.
“2022: Ukpe rẹ ọkanrovwẹ rẹ emu vwọ vwẹ owọ muotọ.” b
Ni uyovwinrota na, “Ofovwin ri Ukraine Rhanriẹ Owẹnvwe Rọhẹ Akpọeje.”
“Ọtiekọ.”—Luk 21:11.
“Ọga ri polio rhoma rhivwin rhe, monkeypox de ji rhi hirhephiyọ ebẹnbẹn rode, jẹ ọga ri COVID-19 je ghwa sua imuọsho ride kẹ ihwo. Ẹdia nana ghwe dje oborẹ ega ri pho muoshọ te, vẹ obo rọ lọhọ te rẹ ihworakpọ vwo fobọ mu ayen.” c
Ni uyovwinrota na, “Ihwo Oduduru 6 Yen Ghwure Fikirẹ Ọga ri COVID.”
“Eka ride.”—Luk 21:11.
“Oheri ọgangan, otọ ọyaya, erhanre ride, vẹ oghwe. O muẹro nẹ a cha karophiyọ ọke uvo ri 2022, fikirẹ aruọke ri muoshọ buebun re so oghwọrọ vẹ ughwu rẹ ihwo buebun, ọ da je nẹrhẹ iwevwin rẹ iduduru rẹ ihwo vwẹ akpọneje va ayen abọ.” d
Ni uyovwinrota na, “Vwẹ Akpọneje Aruọke na Rha Rhorha Vrẹn Obo ri Jovwo.”
“Ekuvwie.”—Luk 21:9.
“Kidie nẹ ivun miovwo ihwo mamọ fikirẹ uweren ọgangan, marho fikirẹ erọnvwọn re ghanra phiyọ, ọ da nẹrhẹ ihwo nudje vwọso igọmẹti vwẹ 2022.” e
Ni uyovwinrota na, “Erọnvwọn re Rhoma Ghanra Phiyọ Vwẹ Akpọeje.”
Die yen cha phia vwẹ ukpe rọ cha na?
O vwo ohwo vuọvo rọ riẹn obo re cha phia vwẹ 2023 na-a. Oborẹ avwanre riẹnre yen, o rhe che kri-i, Uvie rẹ Ọghẹnẹ, yẹrẹ usuon rẹ odjuvwu na che ru ewene ride vwẹ otọrakpọ na. (Daniẹl 2:44) Usuon yena che si obo re sua ojaẹriọ kẹ ihworakpọ no, ji vwo imuẹro nẹ ọhọre rẹ Ọghẹnẹ rugba vwẹ otọrakpọ na.—Matiu 6:9, 10.
Avwanre jiriro kẹ wẹ nẹ wo nene uchebro ri Jesu Kristi, wọ me je ra “rhẹrẹ” kpahen oborẹ erọnvwọn re phia vwẹ akpọ na vwọ dia orugba rẹ aroẹmrẹ ri Baibol na. (Mak 13:37) Biko si rhe avwanre rere wo se vwo yono erọnvwọn efa kpahen obo ri Baibol na sa vwọ chọn wẹ uko enẹna, vẹ obo rọ sa vwọ kẹ wẹ vẹ orua wẹn obọdẹn rẹ iphiẹrophiyọ kpahen uvi akpeyeren vwẹ obaro na.
a AP News, “2022 Was Year the Horror of War Returned to Europe,” ri Jill Lawless siri, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” ri Lawrence O. Gostin, JD siri, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” ri Martina Igini siri, October 24, 2022.
e Carnegie Endowment for International Peace, “Economic Anger Dominated Global Protests in 2022,” ri Thomas Carothers vẹ Benjamin Feldman siri, December 8, 2022.
Wọ je sa Fuẹrẹn
Ẹkpahọnphiyọ rẹ Enọ rẹ Baibol Na
Die Yen Oka rẹ “Ẹdẹ re Koba na,” Yẹrẹ “Ọke rẹ Oba Na”?
Baibol na mraro kpahen erọnvwọn buebun ri che kuomakugbe vwo dje ẹdẹ re koba na phia.
UWEVWIN ORHẸRẸ
Ọghẹnẹ Cha Vwẹ Ojaẹriọ Ejobi Te Oba Kẹrẹkpẹ
Mavọ yen a sa vwọ riẹn nẹ Ọghẹnẹ cha vwẹ ojaẹriọ vẹ oshenyẹ ejobi vwo te oba kẹrẹkpẹ?
ESSENTIAL BIBLE TEACHINGS
Die Yen Uvie rẹ Ọghẹnẹ?
Uvie rẹ Ọghẹnẹ yen Jesu me ghwoghwo kpahen, vwọ vrẹ kemu kemu eje. Vwẹ uvwre rẹ ikpe ujorin buebun rhire na yen idibo rọyen vwọ nẹrhovwo nẹ e jẹ Uvie yena rhe.
IYONO EGHANGHANRE
Uvie rẹ Ọghẹnẹ Tuẹn Usuon Phiyọ Vwẹ 1914
Omarẹ ukpe 2,600 re wanre na, Ọghẹnẹ da vwẹ aroẹmrẹ ọvo ro ruẹgba enẹna vwọ nẹ ovie ọvo ro vwo ẹgba mamọ vwẹ evwerhẹn.
KPAHEN AVWANRE
Nokpẹn rẹ Uyono ri Baibol
Ovwan ta ota kpahen onọ ri Baibol ọvo, yẹrẹ riẹn emu efa kpahen Iseri ri Jihova.
