OVWAN RHA RHẸRẸ!
2023: Ukpe rẹ Ẹnwan—Die Yen Baibol na Tare?
Erọnvwọn buebun re phiare vwẹ akpọneje vwẹ ukpe ri 2023 djerephia nẹ avwanre yerẹn vwẹ ẹdẹ ri Baibol na seri “ẹdẹ re koba na.” (2 Timoti 3:1) Vwo oniso oborẹ erọnvwọn re phia enẹna vwọ dia orugba oborẹ Baibol na tare nẹ e cha phia vwẹ ọke rẹ avwanre na.
Baibol na kugbe erọnvwọn re phia vwẹ akpọneje
“Ifovwin kugbe iyẹnrẹn rẹ ifovwin.”—Matiu 24:6.
“Ifovwin re phiẹ vwẹ akpọ na nonẹna rhe buẹnphiyọ.” a
Ni iyovwinreta na “Ono Yen Che Sivwin Ihwo Ghevweghe Na?” kugbe “Igho ra Ghwọrọ Phiyọ Ituofovwin Vwẹ Akpọneje Vrẹ $2 Trillion.”
“Etọ che kpogho nẹ asan ọvo vwo kpo ọfa.”—Mak 13:8.
“Vwo nẹ ọtonphiyọ rẹ ukpe ri 2023, otọ ro kpoghori ri te 13 re phiare vwẹ akpọneje gan vrẹ magnitude 7, ọnana yen ukeri ro me kpenu vwẹ ẹgbukpe ọvo vwẹ usun rẹ iyẹnrẹn rẹ ihwo nẹ phiyotọ.” b
Ni uyovwinrota na “Etọ ri Kpoghori so Oghwọrọ Ọgangan Vwẹ Turkey vẹ Syria.”
“Obo ri muoshọ.”—Luk 21:11.
“Aruọke rọ rhoma rhorha phiyọ vwẹ akpọneje.”—António Guterres, UN secretary-general. c
Ni uyovwinrota na “Aruọke rọ Rhorha Mamọ Vwẹ Akpọneje Vwẹ Ọke Uvo ri 2023.”
“Emu cha kanre.”—Matiu 24:7.
“2023: Ọnana ukpe ọfa rẹ ihwo da mrẹ bẹnbẹn rẹ ayen vwọ mrẹ emu re.” d
Ni uyovwinrota na “Ofovwin vẹ Aruọke ri Wene Ghwa Ọkanrovwẹ rẹ Emu ro Akpọeje.”
“Ọke ọgangan rọ bẹn eyeren.”—2 Timoti 3:1.
“Asan rẹ ihwo ẹrenren hepha, ọvo usun rayen vwo ebẹnbẹn rọ yanghan iroro na.” e
Ni uyovwinrota na “Ebẹnbẹn ri Djobọte Iroro rẹ Ighene Rhoma Buẹnphiyọ.”
Die yen e se rhẹro rọyen vwẹ ukpe ri 2024?
O vwo ohwo vuọvọ rọ riẹn obo re cha phia vwẹ ukpe ri 2024 na-a. Ẹkẹvuọvo, obo re phia vwẹ akpọ na nonẹna djerephia nẹ o rhe che kri-i, Uvie rẹ Ọghẹnẹ yẹrẹ usuon rẹ odjuvwu na, ko che wene usuon rẹ ihworakpọ ji si ojaẹriọ no kugbe kemu kemu ro nẹrhẹ a ro ẹnwan.—Daniẹl 2:44; Ẹvwọphia 21:4.
Jẹ enẹna, e jẹ a vwẹroso Ọghẹnẹ vwọ kẹ ukẹcha ọke ra da ro ẹnwan. Baibol na da ta:
“Vwẹ ọke rẹ oshọ de mu vwe, ke me vwẹ ẹro so owẹ.”—Une rẹ Ejiro 56:3.
Mavọ yen e se vwo djephia nẹ a vwẹroso Ọghẹnẹ? Avwanre durhie uwe nẹ wo yono ive ri Baibol ri shekpahen akpọ rẹ oja kanre kpobarophiyọ. Davwen uyono ri Baibol rẹ ọphẹ rẹ avwanre ruẹ ni, wọ mrẹ oborẹ ive ri Baibol na se vwo fierere kẹ wẹ vẹ orua wẹn.
a Foreign Affairs, “A World at War: What Is Behind the Global Explosion of Violent Conflict?” rẹ Emma Beals kugbe Peter Salisbury siri, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
Wọ je sa Fuẹrẹn
ESSENTIAL BIBLE TEACHINGS
Die Yen Uvie rẹ Ọghẹnẹ?
Uvie rẹ Ọghẹnẹ yen Jesu me ghwoghwo kpahen, vwọ vrẹ kemu kemu eje. Vwẹ uvwre rẹ ikpe ujorin buebun rhire na yen idibo rọyen vwọ nẹrhovwo nẹ e jẹ Uvie yena rhe.
Ẹkpahọnphiyọ rẹ Enọ rẹ Baibol Na
Me sa Mrẹ Eta rẹ Uchebro Vwẹ Baibol Na?
Ẹkpo ri Baibol evo vwẹ ukẹcha kẹ ihwo buebun ri nene ebẹnbẹn vẹ erharhe iroro muabọ.
AWỌRETA RI BAIBOL RE DJE FIOTỌ
Odjefiotọ rẹ Ẹvwọphia 21:4—“Ko Che Ririe Ameoviẹ Eje nẹ Ẹro Rayen”
Owọrota nana vwo ive iyoyovwin kpahen obaro na.
KPAHEN AVWANRE
Nokpẹn rẹ Uyono ri Baibol
Ovwan ta ota kpahen onọ ri Baibol ọvo, yẹrẹ riẹn emu efa kpahen Iseri ri Jihova.
