OVWAN RA RHẸRẸ!

Ihwo Oduduru 6 Yen Ghwure Fikirẹ Ọga ri COVID—Die Yen Baibol na ta Kpahọn?

HWORO

Vwo nene iyẹnrẹn ri World Health Organization (WHO) vwọphia vwẹ May 23, 2022, ihwo oduduru 6.27 yen ghwure fikirẹ ọga ri COVID-19 na. Ẹkẹvuọvo, vwẹ iyẹnrẹn rẹ WHO vwọphia vwẹ May 5, 2022, ayen tare nẹ uchihwo ri ghwure bun vrẹ ọtiọyen shesheri. A tare nẹ vwo nẹ 2020 fiẹ 2021, “uchihwo ri ghwuru fikirẹ ọga ri COVID-19 yẹrẹ i ri churobọ si COVID-19 . . . joma te oduduru 14.9.” Baibol na ta ota kpahen ega ri muoshọ vẹ ughwu re phia na?

Baibol na mraro kpahen ega ri muoshọ

Jesu mraro rọyen nẹ vwẹ “oba rẹ ẹdẹ na,” a cha mrẹ “ega ri muoshọ” buebun.—Luk 21:11, Contemporary English Version; 2 Timoti 3:1.

Aroẹmrẹ ri Jesu ruẹgba nonẹna. Wọ da guọnọ evuẹ efa, se uyovwinrota na “What Is the Sign of ‘the Last Days,’ or ‘End Times’?”

Baibol na bru avwanre uche

“Ọghẹnẹ rẹ uchebro . . . bru avwanre uche vwẹ evun rẹ ukpokpogho ejobi.”—2 Kọrẹnt 1:3, 4.

Ihwo buebun rẹ ohwo rẹ ayen vwo ẹguọnọ kpahen ghwure, mrẹ uchebro vwo nẹ ovuẹ ri Baibol na. Mrẹ evuẹ efa vwẹ iyovwinreta nana, “E Vwo Yerẹn Ghene Uvweri—Oborẹ Wo se ru Nonẹna” vẹ “Ukẹcha ro me Yovwin Vwọ kẹ Ihwo ri Vwere Uvweri.”

Baibol na vuẹ avwanre obo ri che phioba phiyọ bẹdẹ

“Jẹn uvie wẹn rhe, ru ẹguọnọ wẹn vwẹ akpọ na kirobo re ruẹ vwẹ obo odjuvwu.”—Matiu 6:10.

Chekemerha “Uvie re Ọghẹnẹ” ko che ruo, o gbi vwo “ohwo rẹ orere na ọvuọvo rọ sa tanẹ, Me mwọga-a.” (Mak 1:14, 15; Aizaya 33:24) Ni ividio na Die Yen Uvie rẹ Ọghẹnẹ? wọ vwọ riẹn kpahen usuon rẹ odjuvwu nana vẹ obo ro che ru.

Avwanre jiro kẹ wẹ nẹ wo yono oborẹ Baibol na tare kpobarophiyọ rere wẹ vẹ orua wẹn sa vwọ mrẹ erere nẹ uchebro rẹ aghwanre rọyen kugbe ive iyoyovwin rọyen.