“Aruọke ro miovwẹnphiyọ na so ebẹnbẹn buebun kẹ ihwo, irere kugbe erọnvwọn eje ri vwo arhọ. Ogiribo egangan re rhoma ganphiyọ fikirẹ aruọke ro wene na guọghọ iwevwin vẹ asan rẹ de ruiruo vwẹ akpọneje. Abadi rọ rhorha phiyọ na phi erọnvwọn ri vwo arhọ re dia evunrẹ ame phiyọ ẹdia rẹ imuoshọ, ọnana sa so ughwu kẹ ayen buebun.”​—Inger Andersen, under-secretary-general of the United Nations and executive director of the UN Environment Programme, July 25, 2023.

 Igọmẹti sa wian kugbe vwọ rhuẹrẹ ebẹnbẹn nana ri djobọte akpọ na? Ayen se ghini si ebẹnbẹn nana no karekare?

 Baibol na ta ota kpahen igọmẹti ro che si ebẹnbẹn rẹ aruọke ro wene ghwa cha vwẹ akpọ na vwo no. Ọ tare nẹ “Ọghẹnẹ rẹ odjuvwu na cha vwẹ uvie ọvo mu,” rọ dia igọmẹti ro che sun je rhuẹrẹ ebẹnbẹn rẹ akpọneje phiyọ. (Daniẹl 2:44) Vwẹ otọ rẹ usuon yena, “ayen cha wan ohwohwo oma-a” yẹrẹ miovwon akpọ na-a.​—Aizaya 11:9.