•    “Iyẹnrẹn djerephia nẹ omarẹ ẹkẹn ọvo rẹ imiragua vwẹ U.S. yehẹ ẹdia rẹ ọruvwohwo, marho kẹ ighene rehẹ ẹgbukpe 18 fiẹ 25.”​​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “Vwẹ November 15, 2023, World Health Organization de ghwoghwo nẹ ayen vwẹ ẹko rẹ ihwo vwo mu nẹ ayen ru ehiahiẹ kpahan ẹdia rẹ ọruvwohwo kerẹ ebẹnbẹn rọ guọnọ esivwo rẹ okpakpa, ji jiro kẹ ihwo nẹ ayen vwẹ ihwo efa vwo mu igbeyan, ayen me je guọnọ idjerhe iyoyovwin efa re se vwo si ebẹnbẹn rẹ ọruvwohwo nẹ ẹkuotọ na eje, o toro oborẹ ẹkuotọ na dia igbere te-e.”

 Baibol na vuẹ avwanre obo re se vwo vwo omamọ rẹ oyerinkugbe vẹ ihwo efa rere e vwo jẹ ẹdia rẹ ọruvwohwo ẹdia.

 Siobọ rẹ erọnvwọn re sa nẹrhẹ wo sioma nẹ ohri rẹ ihwo kpotọ. Erọnvwọn tiọyena churobọ si ra vwọ reyọ sosha midia vwo ruiruo vrẹka. Ukperẹ ọtiọyen nene ihwo ghwọrọ ọke kugbe ji mu omamọ rẹ igbeyan.

•    Uchebro ri Baibol: “Igbeyan vwo ẹguọnọ kpahen ohwo kọke kọke, e vwiẹ oniọvo kpahe ohwo fiki rẹ ẹdoja.”​​—Isẹ 17:17.

 Guọnọ idjerhe wọ vwọ vwẹ ukẹcha kẹ ihwo efa. E de dje uruemuesiri kẹ ihwo efa, ọ bọn oyerinkugbe rẹ avwanre vẹ ọrayen gan je nẹrhẹ e vwo omavwerhovwẹn.

•   Uchebro ri Baibol: “Omavwerhovwẹn herọ ra vwọ kẹ okẹ vrẹ ra vwọ reyọ.”​​—Iruo rẹ Iyinkọn Na 20:35.

 Fuẹrẹn wẹbsaiti avwanre vwọ kẹ evuẹ efa ri nẹ Baibol na rhe, re sa vwẹ ukẹcha kẹ wẹ vwo vwo omamọ rẹ oyerinkugbe vẹ ihwo efa.