Vwẹ June 2022, President ri World Bank Group da ta: “Uwenre rẹ akpọ na rhoma rhe ganphiyọ enẹna, ọ rẹ udje na, erọnvwọn vwọ ghanra phiyọ na, jẹ igho ghwa herọ ra vwọ dẹ aye-en.”

 Ọbe rẹ International Monetary Fund da ta: “Uchunu rẹ igho ra vwọ dẹ ipẹtro vẹ emu rhi kpenu phiyọ mamọ re, ọnana djobọte ihwo re dia ẹkuotọ rẹ obọ ghwe yovwi-in mamọ.”

 Baibol na chọn avwanre uko vwo vwo ẹruọ rẹ oboresorọ avwanre vwo hirharokuẹ uwenre ọgangan, obo re se vwo yerin ghene kugbe iphiẹrophiyọ rọ herọ kpahen obo ro che vwo vwoba bẹdẹ.

•   Baibol na se ẹdẹ rẹ avwanre de yerẹn na “oba rẹ ẹdẹ na.”​—2 Timoti 3:1.

•   Jesu tare nẹ “uguegue rode,” yẹrẹ erọnvwọn re nẹrhẹ oshọ muẹ ohwo cha phia vwẹ ẹdẹ re koba na. (Luk 21:11) Erọnvwọn re ghanra sua oshọ kẹ ihwo. Ihwo ro ẹnwan kpahen obaro na, ayen je ro ẹnwan sẹ ayen ghene sa vwẹrote orua rayen.

•   Ọbe rẹ Ẹvwọphia tare nẹ emu cha ghanre vwẹ ọke rẹ avwanre na. “Mi de nyo obo re họhọ urhuru. . . . Rọ tare nẹ, ‘ovwanvwọn rẹ iwiti ọvo yẹrẹ ovwanvwọn rẹ ibali erha kọ dia uche osa ra hwa phiyọ owian rẹ ukpẹdẹ.’ ”​—Ẹvwọphia 6:​6, Easy-to-Read Version.

 Wo vwo yono kpobarophiyọ kpahen “oba rẹ ẹdẹ na” kugbe aroẹmrẹ rehẹ ọbe rehẹ Ẹvwọphia na, ni ividio na Akpọ na Wenere Rhanvwe Ukpe ri 1914, wo ji se uyovwinrota na “Iguiyesi Ẹne Na​—Die Yen Ayen Mudiaphiyọ?”

•   “Ayen ke bọn iwevwi kẹ ayen dia evun rayen, ayen ke kọn ogba ri vain kẹ ayen re emamọ rọye. Ayen gbe bọn rẹ ohwo ọfa da dia-a; ayen gbe kọn re ohwo da riọ-ọ.”​—Aizaya 65:​21, 22.

•   “E jẹn ọka buebu dia otọ na; vwẹ enu rẹ igbenu na etiyin i de kpogho.”​—Une Rẹ Ejiro 72:16.

•   “Fikiridie ivwiogbere na e miovwẹ ayen, ọ rẹ akpọ bẹnre de irhivwẹ, Mi vrẹn vwẹ asakiephana, eriyin Ọrovwohwo tare.”​—Une Rẹ Ejiro 12:5.

 O rhe che kri-i, Jihova a che phioba phiyọ uwenre ọgangan, ọ dia vwẹ ẹkuotọ ọvo-o, ẹkẹvuọvo vwẹ akpọneje. Wọ vwọ riẹn obo ro cha phia wan, se uyovwinrota na “Is a Fair Economic System Possible?”

 Nonẹna, Baibol na je sa chọn avwanre uko vwo yerin ghene erọnvwọn re ghanra phiyọ na. Vwẹ Idjerhe vọ? Uchebro sansan kpahen obo ra sa vwọ reyọ igho vwo ruiruo vwẹ idjerhe rẹ aghwanre hẹ evunrẹ Baibol na. (Isẹ 23:​4, 5; Aghwoghwo 7:12) Wo vwo yono kpobarophiyọ, se uyovwinrota na “Protect Your Livelihood” vẹ “How to Live on Less.”