Ọke rẹ Jesu vwọ hẹ akpọ, o dje ẹguọnọ kẹ ihwo tobọ te ẹdia rọ vwọ reyọ arhọ rọyen vwọ kpahotọ kẹ ayen. (Matiu 20:28; Jọn 15:13) O rhe che kri-i, ọ cha rhoma dje ẹguọnọ vwọ kẹ ihwo womarẹ ọ cha vwọ reyọ ẹgba rọyen kerẹ Ovie rẹ Uvie rẹ Ọghẹnẹ vwọ “nẹrhẹ ofovwi fue re te oba rẹ akpọ na.”​—Une rẹ Ejiro 46:9.

 Mrẹ obo ri Baibol na djisẹ oborẹ Jesu che ru:

•   “O sivwi ọ rẹ akpọ bẹn vwẹ ọke ro de kperi se, ovwiogbere kugbe ohwo ro vwo ọchuko-o. Ọ re ehrọre rẹ ọvwiẹrẹ vẹ ọ rẹ akpọ bẹn, o mi sivwi arhọ rẹ ọ rẹ akpọ bẹn. Nẹ oshenyẹ vẹ ogbarogba ọ tan arhọ rayen nurhe.”​—Une rẹ Ejiro 72:​12-14.

 Mavọ yen avwanre se vwo dje ọdavwaro phia kpahen oborẹ Jesu rure vẹ oborẹ o che ru kẹ avwanre kẹrẹkpẹ? Vwẹ Luk 22:​19, Jesu vuẹ idibo rọyen nẹ ayen karophiyọ ughwu rọyen. Ọnana yen sorọ kukpe kukpe Iseri ri Jihova sioma koko vwo ru Ẹkarophiyọ rẹ ughwu ri Jesu. Avwanre durhie we nẹ wọ rhe vwomaba avwanre vwo ru Ẹkarophiyọ rẹ ughwu ri Jesu vwẹ Sunday, March 24, 2024.

Guọnọ asan re de che ru Ẹkarophiyọ na