EGBADA-ẸDJẸ RẸ OGHẸRESAN
Ofovwin—Oborẹ Uvie rẹ Ọghẹnẹ Che ru Kpahọn
Vwẹ akpọneje, ọkieje yen ofovwin vwọ so oghwọrọ, emiavwe kugbe oja. Vwo oniso iyẹnrẹn rehẹ obotọ na:
“Vwẹ ukpe ri 2022, ihwo ri ghwuru fikirẹ ofovwin kpenu vwọ vrẹ e ra mrẹre vwẹ ikpe efa rhanvwe 1994, marho vwẹ ẹkuotọ rẹ Ethiopia vẹ Ukraine.”—Peace Research Institute Oslo, June 7, 2023.
“Ofovwin ri Ukraine ọyen ọvo usun rẹ ifovwin re ma gan vwẹ ukpe ri 2022. Vwẹ akpọneje, ozighi rọ vwomaphia womarẹ oseghe rẹ usuon reyọ ẹkẹn 27 vwo bun vrẹ e re vwomaphia vwẹ ikpe rehẹ obevun, ọnana de djobọte omarẹ ihwo ri te oduduima 1.7.”—The Armed Conflict Location & Event Data Project (ACLED), February 8, 2023.
Baibol na kẹ avwanre iphiẹrophiyọ. Ọ tare nẹ “Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ.” (Daniẹl 2:44) Vwẹ otọ rẹ Uvie na, yẹrẹ usuon na, Ọghẹnẹ cha “nẹrhẹ ofovwi fue re te oba rẹ akpọ na.”—Unẹ rẹ Ejiro 46:9.
Wọ je sa Fuẹrẹn
ESSENTIAL BIBLE TEACHINGS
Die Yen Uvie rẹ Ọghẹnẹ?
Uvie rẹ Ọghẹnẹ yen Jesu me ghwoghwo kpahen, vwọ vrẹ kemu kemu eje. Vwẹ uvwre rẹ ikpe ujorin buebun rhire na yen idibo rọyen vwọ nẹrhovwo nẹ e jẹ Uvie yena rhe.
ESSENTIAL BIBLE TEACHINGS
Diesorọ Ọghẹnẹ Vwọ Ma Akpọ Na?
Akpọ na vọnre vẹ ekuakua ri vwo erhuvwu. O sherabọ yẹrẹ kẹre nọ kẹ ọnre na-a, ekion rọyen je ghwa amu. Diesorọ Ọghẹnẹ vwọ nabọ ghwọrọ ọke vwọ ma akpọ na yoyovwin?
Ẹkpahọnphiyọ rẹ Enọ rẹ Baibol Na
Tivọ Yen Me da sa Mrẹ Iphiẹrophiyọ?
Ọbe ọvo ra sa vwẹroso se ru akpeyeren wẹn yovwinphiyọ enẹna je kẹ wẹ iphiẹrophiyọ kpahen obaro na.
KPAHEN AVWANRE
Nokpẹn rẹ Uyono ri Baibol
Ovwan ta ota kpahen onọ ri Baibol ọvo, yẹrẹ riẹn emu efa kpahen Iseri ri Jihova.
