Avwanre mrẹvughe nẹ ihwo ri vwo ẹga riavwerhe rẹ eta ri Baibol. Vwọrẹ uyota, avwanre muọghọ kẹ ogangan rẹ ohwo vuọvo vwori rovwo vwo imuẹro rọ fẹnẹ ọrẹ avwanre, avwanre ji gba ihwo reyọ ovuẹ ravwanre-e.

 Avwanre da tota kpahen ẹga, avwanre davwẹngba vwọ reyọ uchebro ri Baibol vwo ruiruo rọ tare nẹ e ru ọtiọyen vẹ “ḍendẹn” kugbe nẹ e ji dje “ọghọ” kẹ ohwo rochekọ na. (1 Pita 3:15) Avwanre riẹnre nẹ ihwevo cha siẹn ovuẹ rẹ avwanre hwarhiẹ na. (Matiu 10:14) Ẹkẹvuọvo, avwanre riẹn obo rẹ ihwo cha kpahenphiyọ ovuẹ na-a, jokpenẹ avwanre tota kẹ ayen tavwen. Avwanre je mrẹvughe nẹ ẹdia rẹ ihwo wene.

 Kerẹ udje, ọkiọvo ohwo se jẹ uphẹ evwo rovwo nene avwanre tota ẹdẹ ọvo, ẹkẹvuọvo, oma sa vwerhọn o vwo nene avwanre tota okeọfa. Ihwo ji se hirhopharo kuẹ ebẹnbẹn yẹrẹ ẹdia ọkpokpọ rẹ ayen nene muabọ, o mi mu ayen vwo dje omavwerhovwẹ phia kpahen ovuẹ ri Baibol na. Ọtiọyen na, avwanre ki davwẹngba vwọ tota kẹ ihwo vwọ vrẹ abọ ọvo.