Esiri rukoko ravwanre vwẹ akpọeje hẹ United States of America. Ẹkẹvuọvo, avwanre dia ẹko rẹga rẹ America-a fikirẹ iroro nana:

•   Ihwoevo fan ẹko rẹga phiyẹ ẹko ro bromareyọ nẹ ẹga ọfa rọghwotọ. Iseri ri Jihova bromareyọ vwo nẹ ẹko rẹga ọfa-a. Ukperẹ ọtiọyen, avwanre niro nẹ avwanre rhoma reyẹ ẹga rẹ Inene-ri-Kristi rọherọ vwẹ ikpe ujuorin rẹsosuọ vwo mu.

•   Iseri ri Jihova ruiruo raghwoghwo rayen vwẹ etọ vẹ ẹkuotọ sansan re vrẹ 230. O toro asan rẹ avwanre dia-a, Jihova Ọghẹnẹ vẹ Jesu Kristi yẹn avwanre reyọ ọghọ ravwanre rọma kenu vwọ kẹ, ọ dia usuon rẹ America yẹrẹ usuon rẹ ihworakpọ ọfa-a.—Jọn 15:19; 17:15, 16.

•   Baibol yẹn iyono ravwanre ejobi nurhe, ọ dia isiesi rẹ osun rẹga ọvo vwẹ United States of America-a.​—1 Tẹsalonaika 2:13.

•   Jesu Kristi yẹn avwanre nene, ọ dia osun rọdia ohworakpọ-ọ.​—Matiu 23:8-10.