Enana yen iroro evo re sorọ Iseri ri Jihova kpo ofovwiin:

1.   Ẹmienyo vwọ kẹ Ọghẹnẹ. Baibol na tare nẹ idibo rọyen “che duvwu oda rayen phihọ ighwro, . . . ayen gbe cha kpare ofovwi ọfa-a.”​—Aizaya 2:4.

2.   Ẹmienyo vwọ kẹ Jesu. Jesu da ta kẹ ọyinkọn Pita: “Phi ọlọkọ wẹn phiyọ ẹdia rọyen, kidie ihwo eje re vwẹ ọlọkọ họnre cha ghwọrọ womarẹ ọlọkọ.” (Matiu 26:52) Jesu ghwe djephia nẹ idibo rọyen che mu ekuakua rẹ ofovwiin.

    Idibo ri Jesu nene iji ri Jesu vwọ kẹ ayen nẹ “ayen dia ẹbẹre ọvo rẹ akpọ na-a,” womarẹ ayen vwo jẹ ẹbẹre vuọvo ẹka vwẹ eta ri shekphahen oseghe rẹ usuon. (Jọn 17:16) Ayen nudje vwọso irueru rẹ isodjee yẹrẹ vwọso ihwo ri brorhiẹn rẹ ayen vwọ ga kerẹ isodjee.

3.   Ẹguọnọ rẹ ihwo efa. Jesu vwẹ iji vwọ kẹ idibo rọyen nẹ ayen “vwo ẹguọnọ rẹ ohwohwo.” (Jọn 13:​34, 35) Ọtiọyena kẹ ayen cha rhe dia orua ọvo vwẹ akpọ na eje, o gbi vwo ohwo vuọvo rọ cha kpare ofovwin vwọso oniọvo rọyeen.​—1 Jọn 3:​10-12.

4.   Udje rẹ Inenikristi rẹ ẹgbukpe ujorin rẹsosuọ. Ọbe na Encyclopedia of Religion and War da ta: “Inenikristi rẹ ẹgbukpe ujorin rẹsosuọ vwobọ vwẹ ofovwin vẹ iruo rẹ isodjee,” kidie ayen mrẹvughe nẹ irueru yena “vwọso iji ri Jesu rọ tare nẹ e vwo ẹguọnọ rẹ ivwighrẹn rẹ ohwo.” Peter Meinhold rọ dia ohwo ri Germany ro yono kpahen ẹga da ta kpahen Inenikristi rẹ ẹgbukpe ujorin rẹsosuọ: “A vwọ dia Onenikristi vẹ isoja vwọso ohwohwo.”

 Iseri ri Jihova pha ghanghanre vwẹ ẹkuotọ na, ayen dia imuoshọ vwọ kẹ ufuoma rẹ ẹkuotọ rẹ ayen hephaa. Ayen muọghọ vwọ kẹ ogangan rẹ usuon, vwo nene iji ri Baibol nana:

•   “Vwomakpotọ kẹ ogangan rẹ usuon ro kpenu.”​—Rom 13:1.

•   “Ọtiọyena ovwan hwa erọnvwọn ri Siza vwọ kẹ Siza, ẹkẹvuọvo erọnvwọn rẹ Ọghẹnẹ vwọ kẹ Ọghẹnẹ.”​—Matiu 22:21.

 Ọtiọyena avwanre muọghọ vwọ kẹ irhi rẹ ẹkuotọ na, hwosa rẹ uyovwin, ji biẹcha ẹgbaẹdavwọn ri igọmẹti rẹ ayen vwọ vwẹrote ọdavwẹ rẹ ihwo na.