Diesorọ Iseri ri Jihova se Uwevwin Ẹga Rayen Ishọshii?
Ọke buebun na, ota ri Grik ra fan phiyọ “ishọshi” vwẹ Baibol na mudiaphiyọ ẹko rẹ ihwo re ga ẹga, ọ dia uwevwin rẹ ayen da vwoma ga ẹga naa.
Vwo oniso rẹ udje nana: Ọke rẹ ọyinkọn Pọl vwo si rhe Inenikristi ri Rom, ọ da vwẹ uyeren vwo rhe aye gbe ọshare ọvo re se Priska vẹ Akuila, ọ da je ta: “Yeren ishọshi re vwoma vwẹ uwevwin rayen na.” (Rom 16:5, Contemporary English Version) Ọ dia uwevwin yen Pọl vwo vwẹ ẹwẹn rọ vwọ ta ota yenaa. Ukperẹ ọtiọyen, ọ vwẹ uyeren rọyen vwo rhe ihwo—ukoko re vwoma vwẹ uwevwin yena. a
Eta re họhọ ọyena je vwomaphia vwẹ 1 Kọrẹnt 16:19; Kọlose 4:15; vẹ Filimọn 2.
Ọtiọyena, ukperẹ avwanre vwo se asan rẹ avwanre da vwoma ga ẹga ishọshi, kẹ avwanre se “Ọguan Ruvie.”
Diesorọ e Vwo se “Ọguan Ruvie rẹ Iseri ri Jihova”?
● Avwanre ji kuomakugbe yono kpahen Uvie rẹ Ọghẹnẹ, rọ dia oborẹ Jesu ta ota kpahen ọke rọ vwọ hẹ akpọ.—Matiu 6:9, 10; 24:14; Luk 4:43.
a Avwanre durhie uvwe nẹ wo kpo Ọguan Ruvie rọ kẹrẹ owẹ rere wọ mrẹ oborẹ Iseri ri Jihova ruẹ emẹvwa rayen wan.
Wọ je sa Fuẹrẹn
ENỌ REDJE ẸNẸNỌ
Mavọ Yẹn a Rhuẹrẹ Ikoko rẹ Iseri ri Jihova Phiyọ Wan?
Yono kpahen obo rẹ avwanre wan mrẹ odjekẹ vẹ uchebro womarẹ ọrhuẹrẹphiyotọ nana.
KPAHEN AVWANRE
Kpo Emẹvwa rẹ Iseri ri Jihova
Guọnọ asan rẹ avwanre da vwoma rere wọ mrẹ oborẹ avwanre ga ẹga wan. Kohwo kohwo sa rhe, e bru arhọghọ kẹ ohwo-o.