Kirobo ra niyẹnrẹn rọyen jovwo, vwẹ March 9, 2023, onogbozighi ọvo sa iniọvo rẹ ukoko ri Hamburg-Winterhude ọke rẹ ayen vwo ru omẹvwa rẹ uvwre rẹ udughwrẹn nu. O vwo hwe iniọvo evo je wan efa oma nu, elọkpa da rhe Ọguan Ruvie na rọ nẹrhẹ ọ dobọji. Onogbozighi na de hwe oma rọyen. Ẹguọnọ vẹ ọdavwẹ rẹ ihwo rẹ igọmẹti, ikoko sansan kugbe ihwo vwẹ akpọneje djephia te ubiudu rẹ Iseri ri Jihova rehẹ ekogho yena vẹ e rehẹ akpọneje.

• Ọ da ohwo nẹ iniọvo eshare 4, iniọvo eya 2 kugbe ọmọ rọhẹ evun rẹ oniọvo aye ovọ ra je wonma yen ghwuru

• Iniọvo eshare 2 kugbe iniọvo eya 7 yen wonma

• Iniọvo rẹ Oghọn Ukoko rọhẹ Central Europe jiri, iniruo rẹ okinriariẹ ivẹ kugbe ekpako rehẹ ekogho yena vwẹ uchebro vẹ ọbọngan phia

Kerẹ orua rẹ akpọeje, avwanre nẹrhovwo kẹ iniọvo eje rẹ emu nana phia kẹ. Jihova ọyen “asan odjahọ vwẹ ẹdẹ rẹ ukpokpogho” ọtiọyena, ọ cha chọn avwanre uko vwo chirakon rẹ ọke ọgangan nana avwanre vwọ ga vwọrẹ ufuoma na.​—Nahum 1:7.