SEPTEMBER 15, 2015
RUSSIA
A Rhoma Rhie Ẹdjọ rẹ Iseri rẹ Jihova Vwẹ Taganrog—Ọke vọ Yen Oshenyẹ Nana Che Vwo Vwoba?
Ẹdjọ ro shekpahen Iseri rẹ Jihova 16 ra rhoma rhie vwẹ aguare rẹ Taganrog, siẹkẹrẹ ọke re che vwo bro re. Ọ vrẹ ẹgbukpe ivẹ re, re vwo guẹdjọ rẹ Iseri rẹ Jihova nana re mu kpo aguare fikirẹ esegbuyota rayen. E se mu evo kpo ekanrọ je ho ayen igho obuebun. Mavọ yen ẹdjọ nana rọhẹ otọ krire djobọte Iseri na? Die yen sa phia siẹrẹ e de brorhiẹn ku ayen?