Me sa Mrẹ Eta rẹ Uchebro Vwẹ Baibol Na?
Ẹkpahọnphiyọ rẹ Baibol na
E. (Rom 15:4) Roro kpahen ẹkpo ri Baibol evo re vwẹ ukẹcha kẹ ihwo buebun ri nene ebẹnbẹn vẹ erharhe iroro muabọ.
Vwẹ uyovwinrota nana
Ebẹnbẹn
Une rẹ Ejiro 23:4: “Owenẹ me yan vrẹn iyara rẹ uhoho rẹ ughwu, Me djẹ oshọ rẹ emu umwemwu-u; kidie wọ vẹ ovwẹ herọ.”
Otọ rọyen: Wọ da nẹrhovwo rhe Ọghẹnẹ je vwẹroso odjekẹ rọyen rọhẹ Baibol na, kẹ wo se fiudugberi hirharoku ebẹnbẹn.
Filipae 4:13: “Mi vwo ẹgba mi vwo ru erọnvwọn ejobi womarẹ ohwo rọ kẹ vwẹ ogangan.”
Otọ rọyen: Ọghẹnẹ sa kẹ wẹ ẹgba wo se vwo yerin ghene kebẹnbẹn kebẹnbẹn.
Ughwu rẹ ohwo re vwo ẹguọnọ kpahen
Aghwoghwo 9:10: “Ushi . . . vwo iruo-o eyẹ iroro-o eyẹ erianriẹ-ẹn eyẹ aghwanre-e.”
Otọ rọyen: Ihwo ri ghwuru rioja-a, ayen je cha sa wan avwanre oma-a. Ayen riẹn emu vuọvo-o.
Iruo rẹ Iyinkọn Na 24:15: “Evrẹnushi cha dia.”
Otọ rọyen: Ọghẹnẹ sa kpare ihwo rẹ avwanre vwo ẹguọnọ kpahen ri ghwuru vrẹn nushi.
Ẹwẹn rẹ abe rọ vrẹka
Une rẹ Ejiro 86:5: “Kidie wọwẹ, E Ọrovwohwo [Jihova a], ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.”
Otọ rọyen: Ọghẹnẹ vwo ghovwo ihwo rẹ imwemwu rayen ghene da te ẹwẹn, ri ji brorhiẹn nẹ ayen rha cha vwanriẹn ọfa-a.
Une rẹ Ejiro 103:12: “Kirobo rẹ obaro ọnre sheri te kẹ obuko ọnre na, ọtiọye o ji si ogbeku rẹ avwanre nu sheri te kẹ avwanre.”
Otọ rọyen: Ọghẹnẹ de vwo ghovwo nu, o si imwemwu avwanre nẹ shesheri vwọ vrẹ oborẹ avwanre sa vwẹ ẹwẹn roro. Ọ rha karophiyọ avwanre kpahọn rere ọ sa vwọ ghwọku yẹrẹ gboja kẹ avwanre-e.
Omaemuophiyọ
Une rẹ Ejiro 31:7: “Wọ mrẹ oma ẹlagha mẹ, wọ nabọ vughe ọdjarhe mẹ.”
Otọ rọyen: Ọghẹnẹ riẹn kpahen ojaẹriọ wẹn ejobi. O vwo ẹruọ rẹ oborẹ oma ru we—ọ da tobọ dianẹ ihwo efa vwo ẹruọ wẹ-ẹn.
Une rẹ Ejiro 34:18: “Ọrovwohwo na si kẹrẹ otu rẹ udu rayen vwirhiri, o mi sivwi ayen otu rẹ udu rayen ghwọre.”
Otọ rọyen: Ọghẹnẹ veri nẹ o che bicha wẹ vwẹ ọke wo de muomaphiyọ. Ọ sa kẹ wẹ ẹgba wo vwo yerin ghene ọmiaovwẹ wẹn na.
Ọga
Une rẹ Ejiro 41:3: “Ọrovwohwo vwẹ obọ cha vwẹ ehwa rẹ emiavwe rọye.”
Otọ rọyen: Ọghẹnẹ sa chọn wẹ uko vwo yerin ghene ọga ọgangan, womarẹ ọ cha vwọ kẹ wẹ ufuoma rẹ ẹwẹn, ogangan, akoechiro kugbe aghwanre wo se vwo bru omamọ rẹ orhiẹn.
Aizaya 33:24: “O gbi vwo ohwo rẹ orere na ọvuọvo rọ sa tanẹ, Me mwọga-a.’ ”
Otọ rọyen: Ọghẹnẹ veri nẹ ọke cha rẹ ihworakpọ eje che vwo vwo omakpokpọ.
Ẹnwan
Une rẹ Ejiro 94:19: “Ọke rẹ ẹnwan rẹ udu mẹ de rhi buphihọ, uchebro wẹn kọye sasa ẹnwẹ mẹ.”
Otọ rọyen: A da nẹrhovwo rhe Ọghẹnẹ vwẹ ọke ra da ro ẹnwan, ọ cha chọn avwanre uko vwo vwo ẹwẹn ri dọe.
1 Pita 5:7: “Vwẹ ẹnwan wẹn ejobi vwọ ya, kidie ọye re vwẹ ẹro te we.”
Otọ rọyen: Ọghẹnẹ vwo oniso rẹ oja rẹ avwanre ria. O durhie avwanre nẹ a vuẹ ọyen ọdavwẹ rẹ avwanre womarẹ ẹrhovwo.
Ifovwin
Une rẹ Ejiro 46:9: “Ọ nẹrhẹ ofovwi fue re te oba rẹ akpọ na.”
Otọ rọyen: Uvie rẹ Ọghẹnẹ cha vwẹ ifovwin te oba kẹrẹkpẹ.
Une rẹ Ejiro 37:11, 29: “Ihwo dẹndẹn ri che vwo otọ na, vwe evun rẹ oyovwe rode kọye ayen da gọlọ. . . . Ọvwata cha re ughwẹ rẹ otọ na, kọ dia enu rọye bẹdẹ.”
Otọ rọyen: Ihwo esiri cha dia otọrakpọ na bẹdẹ vwọrẹ ufuoma.
A vwọ ro ẹnwan kpahen obaro na
Jerimaya 29:11: “Me riẹn iroro ri mi vwo kẹ ovwan, eriyin Ọrovwohwo tare, iroro re erhuvwu ọ dia ọ rẹ umiovwo me cha vwọ kẹ ovwan vwẹ ọke rọ cha vẹ iphiẹrohọ.”
Otọ rọyen: Ọghẹnẹ vwo imuẹro kẹ ihwo rọyen nẹ ayen se nẹ obaro na vẹ iphiẹrophiyọ.
Ẹvwọphia 21:4: “Ko che rien ameoviẹ eje vwo nẹ ẹro rayen, ughwu rha cha dia ọfa-a, uvweri yẹrẹ oviẹ yẹrẹ ọmiaovwẹ rha cha dia ọfa-a. Erọnvwọn awanre na wanvrẹ re.”
Otọ rọyen: Ọghẹnẹ veri nẹ kemu kemu ebrabra re phia nonẹna, a gbe cha mrẹ ayen ọfa-a.
a Jihova yen oderhi rẹ Ọghẹnẹ. (Une rẹ Ejiro 83:18) Ni uyovwinrota na “Who Is Jehovah?”
Wọ je sa Fuẹrẹn
UWEVWIN ORHẸRẸ
Oborẹ Ẹroevwote rẹ Ọghẹnẹ Se Vwo Fi Erere kẹ Wẹ
Baibol na chọn avwanre uko vwọ vwẹroso ive rẹ Ọghẹnẹ kpahen akpọ oyoyovwin rọ cha vwẹ obaro na.
Ẹkpahọnphiyọ rẹ Enọ rẹ Baibol Na
Tivọ Yen Me da sa Mrẹ Iphiẹrophiyọ?
Ọbe ọvo ra sa vwẹroso se ru akpeyeren wẹn yovwinphiyọ enẹna je kẹ wẹ iphiẹrophiyọ kpahen obaro na.
IYOVWINRETA EFA
Uchebro Vwọ kẹ Ihwo ri Vwere Uvweri
Ohwo re vwo ẹguọnọ kpahen de ghwu, e se roro nẹ o vwo ohwo vuọvo ro vwo ẹruọ rẹ oborẹ oma ruẹ avwanre-e. Ẹkẹvuọvo Ọghẹnẹ riẹnre, ọ sa chọn wẹ uko.
ESSENTIAL BIBLE TEACHINGS
Diesorọ Ọghẹnẹ Vwọ Vwẹ Uphẹn kẹ Ojaẹriọ?
Ihwo buebun nọ kpahen oboresorọ rẹ akpọ na vọn vẹ utuoma kugbe ojaẹriọ. Ẹkpahọnphiyọ rẹ Baibol na sa kẹ ohwo onẹrhẹvwe vẹ omavwerhovwẹn.
IYONO RI BAIBOL
Davwen Uyono ri Baibol rẹ Avwanre Ni
Riavwerhen rẹ uyono ri Baibol rẹ ọphẹ vẹ oyono romobọ.