Ọghẹnẹ Hẹ Asan Eje Vwẹ Ọke Vuọvo?
Ẹkpahọnphiyọ ri Baibol Na
Ọghẹnẹ sa mrẹ kemu kemu ji ru obo rọ guọnọ ru vwẹ kasan kasan. (Isẹ 15:3; Hibru 4:13) Ẹkẹvuọvo, Baibol na yonori nẹ hẹ asan eje vwẹ ọke vuọvo-o, ọ je hẹ emu eje-e. Ukperẹ ọtiọyen, o djerephia nẹ ọyen ohwo ro vwo asan rọ dia.
Oka rẹ ohwo Ọghẹnẹ hepha: Ọghẹnẹ ohwo ẹwẹn. (Jọn 4:24) Ihworakpọ cha sa mrẹ-ẹ. (Jọn 1:18) Emramrẹ ra niyẹnrẹn rọyen vwẹ Baibol na djerephia nẹ Ọghẹnẹ vwo asan rọ dia. O vwo asan vuọvo re de djephia nẹ ọ hẹ evunrẹ asan eje-e.—Aizaya 6:1, 2; Ẹvwọphia 4:2, 3, 8.
Asan rẹ Ọghẹnẹ dia: Ọghẹnẹ dia asan rẹ ihwo ẹwẹn dia rọ fẹnẹ asan rẹ ihworakpọ dia. Baibol na tare nẹ, “obo odjuvwu” yen asan rẹ Ọghẹnẹ dia. (1 Ivie 8:30) Baibol na djunute ọke ọvo rẹ emekashe vwọ “vwẹ oma phia kẹ Ọrovwohwo,” a ro djerephia nẹ o vwo asan kiriguo rẹ Ọghẹnẹ dia.—Job 1:6.
Ọghẹnẹ ra dia asan eje vwẹ ọke vuọvo-o, ọ sa ghene vwẹrote we komobọ?
E. Ọghẹnẹ vwẹrote avwanre ohwo vuọvo. Dede nẹ odjuvwu yen ọ dia, Ọghẹnẹ vwo oniso rẹ ihworakpọ re ghene guọnọ ga, ọ je chochọn rayen. (1 Ivie 8:39; 2 Ikun Rive 16:9) Roro kpahen oborẹ Jihova vwo dje erorokẹ vwọ kẹ ihwo re ghene ga:
A da nẹrhovwo: Jihova nyo ẹrhovwo rẹ avwanre vwẹ ugege avwanre ghwa vwọ nẹrhovwo na.—2 Ikun Rive 18:31.
Ofu de dje avwanre: “Ọrovwohwo na si kẹrẹ otu rẹ udu rayen vwirhiri, o mi sivwi ayen otu rẹ udu rayen ghwọre.”—Une Rẹ Ejiro 34:18.
Ọke wọ da guọnọ odjekẹ: Jihova che “dje kẹ wẹ . . . [ji] yono uwe idjerhe ru wọ cha ra” womarẹ Baibol na rọ dia Ota rọyen—Une Rẹ Ejiro 32:8.
Ororochọ re vwo kpahen uyono rẹ Ọghẹnẹ hẹ asan eje vwẹ ọke vuọvo
Ororochọ: Ọghẹnẹ hẹ asan eje.
Uyota: Ọ dia otọrakpọ na yẹrẹ irharheghe na yen Ọghẹnẹ dia-a. (1 Ivie 8:27) Ọyen uyota nẹ isio na vẹ emama efa “gbe ikun rẹ urinrin rẹ Ọghẹnẹ.” (Une Rẹ Ejiro 19:1) Kirobo rẹ ohwo ro si uhoho dia evunrẹ uhoho ro siri na-a, eriyin ọ je hepha nẹ Ọghẹnẹ cha sa dia evunrẹ emama rọye-en. Dedena, uhoho na sa nẹrhẹ avwanre riẹn ohwo ro siro. Vwẹ idjerhe vuọvo na, akpọ na nẹrhẹ avwanre riẹn iruemu “re jẹmrẹ,” rẹ Ọmemama na kerẹ ẹgba, aghwanre, vẹ ẹguọnọ rọyen.—Rom 1:20.
Ororochọ: Ọghẹnẹ cha dia asan eje tavwen ọ ke sa riẹn emu eje je dia ọromevwẹgba.
Uyota: Ẹwẹn ọfuanfon rẹ Ọghẹnẹ na ọyen ẹgba rẹ Ọghẹnẹ vwo ruiruo. Womarẹ ẹwẹn ọfuanfon rọyen, Ọghẹnẹ sa riẹn ji ru kemu kemu vwẹ kasan kasan, vwẹ ọke rọ guọnọre, tẹ ọ hẹ etiyin komobọ yẹrẹ ọ hẹ etiyi-in.—Une Rẹ Ejiro 139:7.
Ororochọ: Une Rẹ Ejiro 139:8 yono avwanre nẹ Ọghẹnẹ hẹ asan eje vwẹ ọke vuọvo rọ vwọ ta: “Ọ da dianẹ mi yeri kpo odjuvwu, wọ hẹ etiyin! Ọ da dianẹ me hwa ehwa mẹ phihọ Erivwi, wọ hẹ etiyin!”
Uyota: Ọ dia asan rẹ Ọghẹnẹ dia yen ẹkpo ri Baibol na ta ota kpaha-an. Ọyen ine aghwanre ro djerephia nẹ o vwo asan vuọvo rọ djahe kẹ Ọghẹnẹ ro de jẹ sa chọn avwanre uko-o.
a Kirobo rẹ Baibol na djephia, Jihova ọyen oderhi rẹ Ọghẹnẹ.
Wọ je sa Fuẹrẹn
IYONO EGHANGHANRE
Ọghẹnẹ Ghene Herọ?
Fuẹrẹn erọnvwọn ri djerephia nẹ re vwo se Ọghẹnẹ gbuyota ọyen oborẹ ọhọ hepha.
Ẹkpahọnphiyọ rẹ Enọ rẹ Baibol Na
Die Yen Ẹwẹn Ọfuanfon Na?
O vwo oboresorọ rẹ Baibol na vwọ reyọ ẹwẹn ọfuanfon na vwo dje “obọ” rẹ Ọghẹnẹ.
KPAHEN AVWANRE
Nokpẹn rẹ Uyono ri Baibol
Ovwan ta ota kpahen onọ ri Baibol ọvo, yẹrẹ riẹn emu efa kpahen Iseri ri Jihova.