Oghwe na ghini obo re phaire. Ọghẹnẹ yen ruro rere ọ vwọ sa ghwọrọ ihwo umwemwu na, ẹkẹvuọvo ọ da vuẹ Noa nẹ ọ kare okọ rere o se vwo sivwin omamo ihwo vẹ eranvwe. (Jẹnẹsis 6:11-20) Avwanre se vwo imuẹro nẹ Oghwe na ghene phia kidie e siro vwevunrẹ baibol na, ro dia ọbe “Ọghẹnẹ kpare [ẹwẹn] rẹ ihwo vwo si.”—2 Timoti 3:16.

•  Uyota gbanẹ Efian?

•  Diesorọ Oghwe na vwo phia?

•  Ihwo riẹnre nẹ Oghwe na cha?

•  Mavọ yen okọ ri Noa hepha?

•  Ẹgbukpe bro yen ọ reyọ Noa vwọ kare okọ na?

•  Ikuegbe rẹ oghwe rode na, esia vẹ ikuegbe r’efian rẹ awanre

 Baibol jẹ avwanre riẹn nẹ Noa ghene ohwo rọ diarọ, Oghwe rode na jẹ obo re ghene phia, ọ dia ikuegbe rẹ efia-an.

•   Ihwo ri si Baibol na vwo imuẹro nẹ Noa ghene ohwo rọ diarọ. Kere udje, Ẹzra vẹ Luk re dia evo usun rẹ ihwo ri si Baibol na, re nabọ riẹn kpahen ikuegbe awanre se odẹ ri Noa vwẹ usun rẹ uvwiẹ rẹ emọ izrẹl. (1 Ikun Rivie 1:4; Luk 3:36)Matiu vẹ Luk re dia evo usun rẹ ihwo ri si ikuegbe ri Jesus, si eta ri Jesu tare kpahen Noa kugbe Oghwe rode na.—Matiu 24:37-39; Luk 17:26, 27.

   Ọmraro Izikiẹl vẹ ọyinkọn Pọl ta ota kpahen Noa kerẹ udje rẹ esegbuyota kugbe ọvwata. (Izikiẹl 14:14, 20; Hibru 11:7) Ọhọ herọ siẹrẹ ihwo nana da ta ota kpahen ohwo ro yerin dẹvure-e, kerẹ udje re se nene? O muẹro nẹ Noa kugbe eshare vẹ eya ri vwo uvi rẹ esegbuyota, omamọ rẹ udje ra sa vwẹrokere kidie ayen ihwo ri yerin dẹvure.—Hibru 12:1; Jems 5:17.

•   Baibol na djunute evuẹ evo kiriguo ri shekpahen Oghwe na. Ikuegbe rẹ Oghwe rehẹ Baibol tonphiyọ vẹ eta kerẹ “Ẹdẹ ọvo herọ-ọ,” kerẹ asan ra da mrẹ nẹ ikuegbe rẹ osian yen ọ hepha. Ukperẹ ọtiọyen, Baibol na djunute ukpe na, emeranvwe na, kugbe ẹdẹ Oghwe na phiare. (Jẹnẹsis 7:11; 8:4, 13, 14) Baibol na je ta ota kpahen ukokodo, ugrogro, vẹ ohẹhẹre rẹ okọ ri Noa kanre na. (Jẹnẹsis 6:15) Evuẹ nana djerephia nẹ Oghwe na ọyen ikuegbe uyota ro nẹ Baibol na rhe, ọ dia ofia-an.

 Kirobo rẹ Baibol na tare, tavwen Oghwe na ke phia “umwemwu rẹ ohwo rhoro gangan vwẹ evun rẹ akpọ na.” (Jẹnẹsis 6:5) Ọ da je ta “Akpọ na de rhi gbeku vwẹ ọbaro rẹ Ọghẹnẹ” kidie ọ vọnre vẹ ozighi kugbe ọfanrhiẹn.—Jẹnẹsis 6:11; Jud 6, 7.

 Baibol na tare nẹ emekashi ebrabra ri nẹ odjuvwu rhe fikirẹ eya rẹ ayen guọno rọnvwọn yen so umuovwon buebun rehẹ akpọ na. Emekashi na vwiẹ emọ re se Nefilim, re so oja vẹ ebẹnbẹn vwọ kẹ ihwo. (Jẹnẹsis 6:1, 2, 4) Ọghẹnẹ de brorhiẹn rọ vwọ ghwọrọ irumwemwu na rere emamọ rẹ ihwo sa vwọ ton akpọeyenren rẹ imwemwu kanre phiyọ.—Jẹnẹsis 6:6, 7, 17.

 E. Ọghẹnẹ vuẹ Noa obo re cha phia je vuẹ nẹ ọ kanre okọ ro se vwo sivwin orua rọyen kugbe eranvwe na. (Jẹnẹsis 6:13, 14; 7:1-4) Noa si ihwo orhọn kpahen Ọghwe rode rọ cha na, ẹkẹvuọvo ayen kerhọ-o. (2 Pita 2:5) Baibol na da ta: “Ayen gbe riẹn ọke rẹ oghwe na rhi vwo ku-u, ayen de divwi ghwu vwẹ evun rẹ oghwe na.”—Matiu 24:37-39.

 Okọ ri Noa na pha kerẹ ekpeti rode, ro kpenu te omarẹ ichiyin 44, je hẹre te iroko 73, vẹ ugrogro ro te iroko 437. a Urhe ri gofa yen a vwọ kanre okọ na, a da vwẹ orhọrhe vwọ pharẹ obevun vẹ otafe rọyen. O vwo ubruwvwin erha, vẹ ivun buebun. E phi ẹchẹ phiyọ okọkọ rẹ okọ na kugbe ovakpo rehẹ obenu rọyen. Ọ họhọre nẹ a je kanrẹ enu rọyen vwẹ idjere ame sa vwọ ghworiẹ no.—Jẹnẹsis 6:14-16.

 Baibol na ghwa ta ota kpahen ichọke ọ reyọ Noa, tavwen ọ ke kanre okọ na re-e, ẹkẹvuọvo ọ sa dianẹ ọ ghwọrọ ikpe buebun vwọ kanrọ. Ọke ri Noa vwo vwiẹ ọmọkpako rọyen, jẹ ọ vrẹ egbukpe 500 re, ọke rẹ Oghwe na vwo ku jọ hẹ ẹgbukpe 600. b—Jẹnẹsis 5:32; 7:6.

 Ọghẹnẹ vuẹ Noa nẹ ọ kanre okọ na ọke rẹ emo rọyen vwọ ghwanre je rhọvwọn re, onana sa reyọ ikpe 50 yere 60. (Jẹnẹsis 6:14, 18) Ọ da dia ọtiọyen ọ hepha kọyen a sa tanẹ ọ reyọ ikpe 40 yẹrẹ 50 vwọ kanre okọ na re.