A sa nọ ono ro shekpahen otọ rẹ akpeyeren vwẹ idjerhe buebun, kerẹ Diesorọ a vwọ hẹ akpọ na? yẹrẹ Akpọ mẹ vwo otọ? Baibol na djerephia nẹ e mu akpeyeren rẹ avwanre kpahen omamọ rẹ oyerinkugbe vẹ Ọghẹnẹ. Roro kpahen evo usun rẹ uyota nana rẹ Baibol na djephia.

•   Ọghẹnẹ yen Ọmemama na. Baibol na da ta: “Ọyen [Ọghẹnẹ] yen ma avwanre, ọ dia avwanre komobọ-ọ.”—Une Rẹ Ejiro 100:3, NW; Ẹvwọphia 4:11.

•   O vwo oboresorọ Ọghẹnẹ vwọ ma emu eje, ji te avwanre.—Aizaya 45:18.

•   Ọghẹnẹ ma avwanre vẹ “ọdavwẹ rẹ Ota rẹ Ọghẹnẹ,” ro churobọ si ọdavwẹ ra vwọ guọnọ yeren omamọ rẹ akpeyeren. (Matiu 5:3) Ọ guọnọre nẹ avwanre riavwerhen rẹ ọdavwẹ yena.—Une Rẹ Ejiro 145:16.

•   E se ru ọdavwẹ rẹ Ota rẹ Ọghẹnẹ gba siẹrẹ a da bọn omamọ rẹ oyerinkugbe vẹ Ọghenẹ. Dede nẹ ihwo evo niro nẹ a cha sa dia ugbeyan rẹ Ọghẹnẹ-ẹ, Baibol na kẹ avwanre uchebro nana: “Si kẹrẹ Ọghẹnẹ, rere o si kẹre owẹ.”—Jems 4:8; 2:23.

•   A sa vwọ dia ugbeyan rẹ Ọghẹnẹ, ofori nẹ e yeren akpọ nene ọhọre rọyen vwọ kẹ avwanre. Baibol na tare nẹ ọhọre nana hẹ ọbe rẹ Aghwoghwo 12:13: “Djẹ oshọ rẹ Ọghẹnẹ, rere wọ kerhọ rẹ iji rọye; kidie ọnana yen sorọ a vwọ ma avwanre.”—Good News Translation.

•   Vwẹ obaro na, e se rhiẹromrẹ orugba ri riẹriẹriẹ rẹ ọhọre rẹ Ọghẹnẹ vwọ kẹ avwanre vwẹ ẹsosuọ, ro che vwo si ojaẹriọ no ji vwẹ arhọ ri bẹdẹ vwọ kẹ igbeyan rọyen re ga.—Une Rẹ Ejiro 37:10, 11.