E. Baibol na, rọ dia ọbe aghwanre, vwo ẹkpahọnphiyọ rẹ enọ ri shekpahen akpeyeren, re sa nẹrhẹ ẹwẹn wẹn totọ je nẹrhẹ oma vwerhen owẹ. Roro kpahen ẹkpahọnphiyọ rẹ enọ evo.

1.   Ọmemama ghene herọ? Baibol na tare nẹ Ọghẹnẹ yen “mama emu ejobi.” (Ẹvwọphia 4:11) Kerẹ Ọmemama, Ọghẹnẹ ghene riẹn oborẹ avwanre guọnọre avwanre sa vwọ riavwerhe rẹ akpeyeren.

2.   Ọghẹnẹ vwẹrote avwanre? Ukperẹ Baibol na vwọ tanẹ Ọghẹnẹ pha shesheri kẹ ihworakpọ, Baibol na da ta: “Yo sheri kẹ avwanre ohwo ọvuọvo-o.” (Iruo rẹ Iyinkọn Na 17:27) O vwo oniso rẹ obo re phia kẹ avwanre ọ je choma rọ vwọ chọn avwanre uko vwo phikparobọ vwẹ akpeyeren.—Aizaya 48:17, 18; 1 Pita 5:7.

3.   Mavọ yen ẹwẹn mẹ se vwo totọ me da riẹn Ọghẹnẹ? Ọghẹnẹ ma avwanre e vwo vwo “ọdavwẹ rẹ Ota” rọyen, urhurusivwe ra vwọ riẹn oborẹ akpeyeren mudiaphiyọ. (Matiu 5:3, NW) Ọdavwẹ rẹ ota rẹ Ọghẹnẹ churobọ si owenvwe a vwọ riẹn Ọmemama na ji vwo uvi rẹ oyerinkugbe vẹ ọyen. Oma cha vwerhen Ọghẹnẹ ọ da mrẹ ẹgbaẹdavwọn wọ vwọ guọnọ riẹn, kidie Baibol na tare nẹ, “Si kẹrẹ Ọghẹnẹ, rere o si kẹre owẹ.”—Jems 4:8.

 Iduduru rẹ ihwo mrẹvughe nẹ uvi rẹ oyerinkugbe ayen vẹ Ọghẹnẹ vwori kẹ ayen aghọghọ je nẹrhẹ ayen yeren uvi akpeyeren. Dede nẹ erianriẹn e vwo kpahen Ọghẹnẹ che se si ebẹnbẹn akpeyeren no-o, jẹ aghwanre rehẹ Baibol na sa chọn wẹ uko vwo

•   Vwo omavwerhovwẹn vwẹ orua wẹn.

•   Vwo nene ihwo yerin vwọrẹ ufuoma.

•   Phi ebẹnbẹn kerẹ ofudjevwe, ẹnwan rẹ igho vẹ ega egangan kparobọ.

 Ẹga buebun ri se Baibol na ruẹ nene ota rọye-en. Vwọ fẹnẹ ayen, ẹga rẹ uyota ri ruẹ nene eta ri Baibol na sa chọn wẹ uko vwọ riẹn Ọghẹnẹ.