Abọ ivẹ vwẹ udughwrẹn yen Iseri ri Jihova ruẹ uyono vwẹ asan re se, Ọguan Ruvie. Die yen ruẹ vwẹ etiyin, kẹ mavọ yen wọ sa vwọ mrẹ erere siẹrẹ wọ da ra?

•  Die yen e ruẹ vwevunrẹ Ọguan Ruvie?

•  Diesorọ wọ vwọ ra?

•  Oborẹ edje wẹn tare

 Ọguan Ruvie ọyen asan re de yono kpahẹn erianriẹn ogbagba ri Baibol na. Uyono re ruẹ vwẹ etiyin sa chọn wẹ uko:

•   vwo yono uyota ro shekpahen Ọghẹnẹ.

•   vwọ riẹn oboresorọ emu ebrabra vwọ phia.

•   vwọ dia omamọ rẹ ohwo.

•   vwo vwo emamọ rẹ igbeyan.

 Wọ riẹnre jovwo? E se asan rẹ Iseri ri Jihova de ruẹ uyono Ọguan Ruvie kidie iyono ri shekpahen uvie rẹ Ọghẹnẹ yen e yono vwọ.​—Matiu 6:​9, 10; 24:14; Luk 4:​43.

 Obo wo nyo vwẹ etiyin cha chọn wẹ uko. Iji ri Baibol re yono vwẹ emẹvwa rẹ Iseri ri Jihova cha chọn wẹn uko vwo “vwo aghwanre.” (Isẹ 4:5) Ọyena mudiaphiyọ nẹ Baibol na sa chọn wẹ uko vwo bru omamọ rẹ orhiẹn vwẹ akpeyeren. Ọ cha chọn wẹ uko vwọ mrẹ enọ ri shekpahen akpeyeren, kerẹ:

•   Akpeyeren vwo otọ?

•   Ọghẹnẹ yen so oja rẹ avwanre ria?

•   Die yen phia kẹ avwanre siẹrẹ e de ghwu?

 Enana ghwa emerha rẹ iyovwinreta ra fuẹrẹn vwẹ uyono rẹ oba rẹ udughwrẹn na rẹ avwanre:

•   Diesorọ Baibol na vwo Sun We?

•   Tivọ Wọ da sa Mrẹ Ukẹcha vwẹ Ọke rẹ Ebẹnbẹn?

•   Oborẹ Uvie rẹ Ọghẹnẹ ruẹ kẹ Avwanre Asaọkiephana.

 “Ọmọ ri class mẹ ọvo rhe uyono. O chidia kẹrẹ ovwẹ vẹ orua mẹ, avwanre da vwẹ ẹbe rẹ avwanre kẹ. Ukuotọ rọyen, ọ da vuẹ vwẹ nẹ ọyen riavwerhen rẹ ẹbẹre rẹ otaẹtakuẹgbe na rẹ ihwo vwọ kpahanphiyọ enọ. Ọ je tanẹ ayen ji vwo erọnvwọn re vwo yono Baibol na vwẹ ishọshi raye-en.”​—Brenda.

 Wọ riẹnre jovwo? Egbara rehẹ Ọguan Ruvie na ọphẹ, a hwa osa phiyọ aye-en.

 Oma rẹ igbeyan na cha vwerhen owẹ. Baibol na tare nẹ emu ọvo rọ sorọ rẹ Inenikristi vwo siomakoko yen, ayen vwọ “jeje ohwohwo oma.” (Hibru 10:​24, 25) Oyerinkugbe rẹ ihwo rẹ Ọghẹnẹ re vwẹ ọdavwẹ rẹ Ọghẹnẹ kugbe ọ rẹ ihwo efa vwọ ka obaro kẹ ọ rẹ ayen kẹ ayen omavwerhovwẹn vwẹ akpọ rẹ ihwo de roro kpahen oma rayen ọvo.

 “Me da wian te ovwọnvwọn re, oma kọ ghwọrọ ovwẹ, ẹkẹvuọvo ihwo me mrẹ vwẹ Ọguan Ruvie na nẹrhẹ oma vwerhen ovwẹ. Vwẹ okuphiyọ rẹ uyono na, oma kọ vwerhen ovwẹ kpo ji muegbe kẹ ẹdẹ ọfa.”​—Elisa.

 Wọ riẹnre jovwo? Ikoko rẹ Iseri ri Jihova bun vrẹ 120,000 vwẹ asan ri bun vrẹ 60,000 vwẹ akpọneje. Kukpe kukpe, ọ da hanvwe Eguan Ruvie ri bun te 1,500 yen a bọn fikirẹ Iseri ri Jihova ri buẹnphiyọ. a