Ọmọshare Yẹrẹ Ọmọtẹ Kerẹ Ovwẹ Je Vwe—Ko Mudiaphiyọ nẹ Mẹvwẹ Ọshare ro Nene Ọshare Ọfa Vwerhẹn?
Ẹjo kakaka!
Noso: Vwẹ ọke buebun na, a ghwanra vrẹ.
Ọyen oborẹ Lisette ro te ẹgbukpe 16 re ro ke vwo ẹwẹn ọtiọyen kpahen ọmọte ọvo rhe mrẹvughe. Ọ da ta: “E yono uvwe vwẹ Biology nẹ vwẹ ọke rẹ ighene, oma rẹ ohwo se wene cha wene kpo. Ọ nabọ muwẹro nẹ ighene buebun da riẹn kpahen oborẹ oma rayen wian wan, kẹ ayen cha mrẹvughe nẹ oka rẹ ojevwe ọtiọyena tọ-ọn, a rhua vrẹ, ayen rhe vwobọ vwẹ ovwerhẹn rẹ ọshare vẹ ọshare yẹrẹ aye vẹ aye-e.”
Ighene eje yen hirharoku orhiẹn nana—sẹ ayen vwẹ ẹro ọchọchọ rẹ akpọ na vwo nẹ ọfanrhiẹn ji vwo no gbanẹ ayen nene uwan rẹ Oghẹnẹ rẹ Baibol na vwọphia
Kọ da rha dianẹ ẹwẹn rẹ ọfanrhiẹn ọtiọyena ji rhe te ọke ọghanrovwẹ vwo? Ka sa hanrhe Ọghẹnẹ rọ tare nẹ a kẹnoma kẹ uruemu otiọyen?
Ẹkpahọnphiyọ wẹn da dia e, gba riẹn nẹ ọnana iroro ọchọchọ ro rhe ihwo evo re tanẹ e se gbe ọfanrhiẹn urhuru rọyen de si ohwo. Baibol na brọghọphiyọ ihworakpọ oma rọ vwọ kẹ avwanre imuẹro nẹ avwanre se sun urhurusivwe rẹ ofanrhiẹn.—Kolose 3:5.
Obọdẹn ọhọ hẹ evunrẹ rẹ iji rẹ Baibol na. Odjẹkẹ vuọvo rọ vwọ kẹ ọshare ro vwo ẹwẹn rẹ ọfanrhiẹn kpahen aye ọyen ọ je vwọ kẹ ọmọtẹ ro vwo ẹwẹn ọtiọyen kpahen ọmọtẹ ọfa yẹrẹ ọmọshare kpahen ọmọshare ọfa—re vwo “si oma nẹ ọfanrhiẹ.” (1 Kọrent 6:18) Vwọrẹ uyota, iduduru rẹ eya vẹ eshare re guọnọ ru oborẹ Baibol na tare davwẹngba vwo sun oma rayen otoro oka rẹ ọdavwini rẹ ayen hirharoku-u. Ihwo ri hirharoku ukeke ra vẹ ọshare kerẹ ayen yẹrẹ aye kerẹ ayen vwọ gbe ofanrhiẹn je sa vrabọ rẹ ọdavwini rẹ ayen vwo ru ọtiọyen, ayen mi se ru ọhọre rẹ Ọghẹnẹ.—Urhi Rivẹ 30:19.
Wọ je sa Fuẹrẹn
Enọ rẹ Ighene Nọ
Ọshare Vwo Duẹ Ọshare Chọre?
Baibol na yonori nẹ eshare ri nene eshare vwerhẹn yẹrẹ eya ri nene eya vwerhẹn erharhe rẹ ihwo? Onenikristi se ru obo re vwerhẹn Ọghẹnẹ oma dede nẹ o vwo urhurusivwe rẹ ehware kpahen ihwo kerẹ ọyen?
