Mi De Vwo Uruemu Mi Vwo Nẹ Ihoho rẹ Ihwo re Banphiyọ Vwo?
Obo wo se ru
Vwo ẹruọ rẹ oborẹ uruemu yena bra te. Re vwo nẹ ihoho rẹ ihwo re banphiyọ, ọyen uruemu ra vwọ reyọ ẹro otete vwo nẹ orọnvwọn rẹ Ọghẹnẹ mare ghanghanre. Wọ da riẹn ọnana, ọ che nẹrhẹ wo “vwo utuoma kpahen obo re brare.”—Une Rẹ Ejiro 97:10.
Roro kpahen obo ro che norhe. Ihoho rẹ ihwo re banphiyọ phọphọ ihwo rehẹ evun rọyen. Ọ jẹ phọphọ ohwo ro no. Kọyensorọ Bible na vwọ ta: “Ọvwiroro da mrẹ ukpokpogho rọ cha ko sioma rọye reyọ; ẹkẹvuọvo ẹkpa da họrhọ ruọ, kọ re oja.”—Isẹ 22:3.
Brorhiẹn kokoroko. “Me vẹ ẹro mẹ re ọphọ nure; komavọ mi ru se ni ọmọtobẹ?”ọtiọyen Job tare. (Job 31:1) Wo se brorhiẹn nana:
Ohwo ọfa rha hẹ etiyi-in, me cha hiẹ intanẹti-i.
Mi che rhurhu wẹbsaiti na kpakpata siẹrẹ ihoho rẹ ihwo re banphiyọ da vwomaphia siẹvuọvo.
Me cha vuẹ ugbeyan ro tedje, siẹrẹ ughe tiọyena da chọ vwẹ obọ.
Kọke kọke wo ni ihoho rẹ ihwo re banphiyọ, jẹ ọ rhoma bẹnphiyọ wo vwo siobọ no
Nẹrhovwo kpahọn. Ọbuine na da rẹ Jihova: ““Rhẹriẹ ẹro mẹ rere o vwo jẹ ogbegbemrẹ e no; wọ kẹ vwẹ arhọ vwẹ idjerhe wẹn na.” (Une Rẹ Ejiro 119:37) Ọghẹnẹ guọnọre nẹ wo phi uruemu yena kparobọ. Wọ da nẹrhovwo vwo rhe, ọ cha kẹ wẹ ẹgba wo se vwo ru obo ri yovwirin!—Filipae 4:13.
Vuẹ ohwo kpahọn. Wọ cha mrẹ ukẹcha mamọ siẹrẹ wọ da guọnọ ohwo wọ sa tota kẹ kpahen uruemu wẹn na.—Isẹ 17:17.
Karophiyọ ọnana: Kọke kọkẹ wọ vwọ kẹnoma kẹ ihoho rẹ ihwo re banphiyọ, ọyena ophikparobọ rode. Vuẹ Jihova kpahen ophikparobọ wẹn, kpẹvwẹ vwọ kẹ ẹgba rọ vwọ kẹ wẹ na. Wọ da kẹnoma kẹ ihoho rẹ ihwo re banphiyọ, kẹ wo se ru ubiudu rẹ Jihova ghọghọ!—Isẹ 27:11.
Wọ je sa Fuẹrẹn
IYONO EGHANGHANRE
E Vwo Nẹ Ihoho rẹ Ihwo re Banphiyọ Ọyen Umwemwu re Ru so Ọghẹnẹ?
Ota na “ihoho rẹ ihwo re banphiyọ” evunrẹ Baibol na? Mavọ yen a sa vwọ riẹn ẹro rẹ Ọghẹnẹ vwo nẹ ihoho rẹ ihwo re banphiyọ?
Enọ rẹ Ighene Nọ
Die Yen Ofori nẹ Me Riẹn Kpahen Evuẹ vẹ Ifoto rẹ Ọfanrhiẹn re Vwo Rhe Ihwo?
O vwo ohwo rọ guọnọ riẹriẹ owẹ vwo ruo? Die yen se nẹ obuko rọyen rhe? Ọnana ghwa ẹfrẹfrẹ rẹ imuoshọ kanre?
UWEVWIN ORHẸRẸ
Ihoho rẹ Ihwo re Banphiyọ Vwo Imuoshọ Gbanẹ O Vwori-i?
Mavọ yen eno rẹ ihoho rẹ ihwo re banphiyọ djobọte ohwo vẹ orua wan?
