Ofori nẹ wọ vwẹrote erọnvwọn eghanghanre ru wo vwori, kerẹ imoto yẹrẹ uwevwin. Ọtiọyen o ji fo nẹ wọ sẹro rẹ oyerinkugbe wẹ vẹ Ọghẹnẹ vwori. Mavọ yen wọ sa vwọ sẹro rẹ oyerinkugbe na siẹrẹ wo de bromaphiyame nu?

Vwẹ uyovwinrota nana

•  Rhe muomaphiyọ eyono rẹ Ota rẹ Ọghẹnẹ

•  Rha nẹrhovwo rhe Jihova

•  Rha vuẹ ihwo efa kpahan obo wo segbuyota

•  Rhe kpo emẹvwa rẹ Inenikristi

 Ẹkpo ri Baibol: “Ovwan . . . ru iruo esiri phia kugbe rere erianriẹn rẹ Ọghẹnẹ rẹ ovwan vwo bu.”​—Kọlose 1:10.

 Obo ro mudiaphiyọ: Wo de bromaphiyame nu, o ji fo nẹ wo se Baibol na ọkieje ji roro kpahan obo ru wo yono.​—Une rẹ Ejiro 25:4; 119:97.

 Obo re se rhẹro rọyen: Ọkievo, ẹwẹn ru wo vwo yono Baibol na se jẹ uwe e rhe. Wọ se roro nẹ wọ dia ohwo ro vwo omavwerhovwẹn kpahen eyono-o.

 Obo wo se ru: Hiẹ kodo kpahen iyovwinreta ri Baibol ri je we. Rhuẹrẹ ọke phiyọ wo ji brorhiẹn rẹ obo ru wo che yono Baibol vẹ ẹbe rẹ ukoko na wan. Wo de vwo uvi rẹ ọrhuẹrẹphiyotọ, uyono rha cha dia oghwa vwọ kẹ wẹ-ẹ. Ọdavwẹ wẹn ọyen ẹguọnọ ru wo vwo kpahen Jihova vẹ ota rọyen vwo kodophiyọ. Wọ cha riavwerhen rẹ uyono tiọyena je mrẹ erere no rhe.​—Une rẹ Ejiro 16:11.

 Iroroẹjẹ: Wọ sa vwọ mrẹ erere vọnvọn vwo nẹ uyono wẹn rhe, guọnọ asan rọ fọre ro che gbowọphiyọ uyono na-a.

 Wọ guọnọ ukẹcha efa?

•   Se:

   “Mavọ Yen Baibol na sa Vwọ Vwẹ Ukẹcha kẹ Vwẹ?​—Ẹbẹre 2: Riavwerhen rẹ Isese rẹ Baibol Wẹn”

   “Mavọ Me sa Vwọ Tẹnrovi Obo ri mi Ruẹ?”

•   Ni:

   Oborẹ Edje Wẹn Tare​—Isese ri Baibol

•   Danlodu:

   “Ona Sansan Re Vwo Se Baibol Na”

 Ẹkpo ri Baibol: “Wa ro ẹnwan rẹ emuọvo-o, ẹkẹvuọvo vwi kemu kemu orẹ kugbe oyare kugbe ẹkpẹvwẹ ta ọdavwẹ wẹn kẹ Ọghẹnẹ.”​—Filipae 4:6.

 Obo ro mudiaphiyọ: Idjerhe ivẹ yen a vẹ Ọghẹnẹ vwọ ta ota kuẹgbe: Wọ kerhọ kẹ siẹrẹ wo de se Ota rọyen, wọ me rha ta ota kẹ womarẹ ẹrhovwo ẹnẹ. Vwẹ ẹrhovwo wẹn, wọ sa rẹ Jihova nẹ ọ chọn wẹ uko, wọ me je kpẹvwẹ vwọ kẹ ebruphiyọ rọyen ru wo rhiẹromrẹ.

 Obo re se rhẹro rọyen: Ọkievo, wo se no nẹ ẹrhovwo wọ nẹ rhe vwo otọ-ọ. Wọ sa tobọ rhi vwo ẹwẹn ivivẹ sẹ Jihova kerhọ kẹ wẹ yẹrẹ ọ guọnọ nyo mie we.​—Une rẹ Ejiro 10:1.

 Obo wo se ru: Jokaphiyọ erọnvwọn ru wọ sa nẹrhovwo kpahen vwẹ ọsoso rẹ ẹdẹ na. Ẹdia ru wọ hepha ugege yena rha nẹrhẹ wọ sa nẹrhovwo ogrongro-on, gbe brorhiẹn wọ vwọ nẹrhovwo kpahọn vwẹ oba rẹ ẹdẹ na. Vwọ vrẹ ọdavwẹ romobọ wẹn, wọ je sa nẹrhovwo kpahen ọdavwẹ rẹ ihwo efa.​—Filipae 2:4.

 Iroroẹjẹ: Wo de no nẹ ẹrhovwo wọ nẹ rhe vwo otọ-ọ, gba rẹ Jihova kpahọn. Ọ guọnọ nyo ọdavwẹ wẹn ejobi, vẹ i ri shekpahen ẹrhovwo wẹn.​—1 Jọn 5:14.

 Wọ guọnọ ukẹcha efa?

•   Se:

   “Diesorọ Me Vwọ Nẹrhovwo?”

•   Danlodu:

   “How to Improve Your Prayers”

 Ẹkpo ri Baibol: “Sẹro rẹ oma wẹn kugbe uyono wẹn. . . . Wo de ru ọtiọye ku wo sivwi oma wẹn kugbe ayen otu ri nyo we.”​—1 Timoti 4:16.

 Obo ro mudiaphiyọ: Wọ bọn esegbuyota wẹn gan siẹrẹ wọ da vuẹ ihwo efa kpahan obo ru wo segbuyota. Ọnana cha nẹrhẹ wo se sivwin arhọ wẹn vẹ ihwo re kerhọ kẹ wẹ.

 Obo re se rhẹro rọyen: Ọkievo, ẹwẹn ru wọ vwọ vuẹ ihwo efa kpahen obo ru wo segbuyota se jẹ uwe e rhe. Oshọ se mu we wo vwo ru ọtiọyen marho vwẹ isikuru.

 Obo wo se ru: Brorhiẹn nẹ wọ cha vwẹ uphẹn kẹ orharhe rẹ iroro-o, kerẹ oshọ nẹ o sun orhiẹn ru wo bruru-u. Ọyinkọn Pọl de si: “Ọ rha dia ọhọrobọ mẹ-ẹ [mi de ghwoghwo iyẹnrẹn esiri na] ọye kẹ uwevwi re ji vwe.”​—1 Kọrẹnt 9:​16, 17.

 Iroroẹjẹ: Womarẹ ukẹcha rẹ ọsẹ vẹ oni wẹn, guọnọ oniọvo ro tedje vwẹ ukoko na rọ dia omamọ rẹ udje rọ sa vwẹ ukẹcha kẹ wẹ vwẹ iruo rẹ aghwoghwo na.​—Isẹ 27:17.

 Wọ guọnọ ukẹcha efa?

•   Se:

   “Why Am I Afraid to Share My Faith?”

 Ẹkpo ri Baibol: “E gbe jẹ avwanre roro obo re jeje ohwohwo oma vwẹ ẹguọnọ kugbe iruo esiri, e jẹn avwanre ghwẹ oma koko, a rha hẹrhiẹ oma kirobo rẹ otu evo ruẹ-ẹ.”​—Hibru 10:​24, 25.

 Obo ro mudiaphiyọ: Obo re ma ghanre ro mu avwanre kpo emẹvwa yẹn a vwọ ga Jihova. Ẹkẹvuọvo erere ivẹ efa je herọ ra cha mrẹ siẹrẹ e de kpo emẹvwa. Ẹsosuọ, iniọvo na cha bọn wẹ gan. Ọrivẹ, wọ je bọn ayen gan siẹrẹ wo de kpo emẹvwa ji vwobọ vwẹ ayen.​—Rom 1:​11, 12.

 Obo re se rhẹro rọyen: Vwẹ ọkievo, iroro wẹn sa kọ nẹ obo re yono vwẹ emẹvwa na, ọ me rhe nẹrhẹ wo jẹ erere ẹmrẹ vwo nẹ uyono na cha. Yẹrẹ wo mi gbẹdẹ rẹ uyono ji mu ẹwẹn phiyọ erọnvwọn efa, kerẹ iruo rẹ isikuru, wọ rha cha rhuẹrẹ ọke phiyọ vwo kpo emẹvwa-a.

 Obo wo se ru: Muomaphiyọ isikuru wẹn, ji brorhiẹn ru wo vwo kpo emẹvwa ọkieje, wọ me je tẹnrovi obo ru wọ sa vwọ mrẹ erere nẹ ayen rhe. Vwobọ vwọ womarẹ wọ vwọ kpahanphiyọ enọ. Omẹvwa na de kuphiyọ nu, yeren ohwo ọvo siẹrẹ ọ da hanvwe fikirẹ ẹbẹre ro vwobọ vwọ.

 Iroroẹjẹ: Muegbe phiyotọ. Danlodu rẹ aplikeshọni ri JW Library®, wo mi djobọte ẹbẹre rẹ “Meetings,” wọ sa vwọ mrẹ obo re che yono vwẹ uyono ọvuọvo.

 Wọ guọnọ ukẹcha efa?

•  Se:

   “Why Go to Christian Meetings?”