Limpẹt ọyen usekpe rọ dia evunrẹ abadi ro vwo ibiakon re pha gangan ra vwẹ orọnvwọn re se geothite vwo ru. iprotini ọlọlọhọ ọvo hẹ esiri akon na.

 Roro: Oborẹ usekpe re se limpẹt na vwọ riemu pha kerẹ ẹrenvwe rọ vọnre vẹ ibiakon ri gunuru. Ọ reyọ ubiakon ọvuọvo ro te milimita ọvo-o na, vwo ruiruo kerẹ inemẹ. Kidie nẹ ubiakon ọvuọvo pha gangan kokoroko, Limpẹt na kọ sa reyọ ayen vwo hroro avwrogbo nẹ orhoma rẹ ikuta.

 Ihwo ri ruẹ ehiahiẹ vwẹ imaikroskopu ro vwo ẹgba mamọ vwọ fuẹrẹn oborẹ ibiakon na gan te. Ayen da tanẹ erọnvwọn re vwo ru ibiakon ri Limpẹt gan vrẹ ekuakua ichekọ eje ra mrẹ re vwẹ oma rẹ ekuakua ri vwo arhọ. Ọ tobọ gan vrẹ ifi ale. Ọ rọ kobaro rẹ ehiahiẹ na da ta: “Ofori nẹ e roro kpahen obo ra sa vwọ vwẹ ona tiọna vwo ru erọnvwọn sansan.”

 Ihwo ri ruẹ ehiahiẹ vwo imuẹro nẹ a sa vwẹ ọkpọ rẹ erọnvwọn re vwo ru ibiakon ri Limpẹt na vwo ru imoto, okọ, kugbe aropleni, a je sa reyọ ayen vwo ru ibiakon rẹ atifisha.

 Die wo rorori? Ibiakon ri Limpẹt na rọ vọnre vẹ igbevwunu na mamarhe? Gbanẹ a marọ?