Cucumber rẹ abadi, eyen eranvwe re dia otọ rẹ abadi kugbe uvwre rẹ ikuta rehẹ evun rọyen. Ugboma rayen sa dia chohri chohri, yẹrẹ o se vwo inwe. Oma rayen sa dia lọlọhọ kerẹ ame ri kandoro, ọ je sa rhoma dia gangan kerẹ ophapha ibribrẹro na. Oma rayen rọ nabọ nuẹ na nẹrhẹ ayen sa rua imiphrophro vwẹ erhagha, ayen mi rhe ru oma gangan rere ọ vwọ dia bẹnbẹn rẹ eranvwe re guọnọ re ayen vwo kpono ayen phia. Ohọroma rayen na yen nẹrhẹ cucumber rẹ abadi na se ruẹ enana eje.

 Roro: Ohọroma ri cucumber rẹ abadi na sa dia gangan, ọ sa lọhọ emerha, ọ je sa dia lọlọhọ. Ayen se vwo wene nẹ ẹdia ọvo kpo ọfa, cucumber rẹ abadi na me riẹn oma yẹrẹ si oma rayen koko. Protin rehẹ ugboma rayen na yen ayen vwo ruo.

 Protin rọ nẹrhẹ ugboma rayen gan na, siẹ iriẹn rẹ oma rayen koko, ohọroma rayen me rhe dia gangan. Protin rọ nẹrhẹ ugboma rayen lọhọ, rhan iriẹn rẹ oma rayen, ohọroma rayen me rhoma rhe dia lọlọhọ. Ohọroma ri cucumber rẹ abadi na sa lọhọ te asan rọ da họhọ nẹ ọ ghran.

 Egbaerianriẹn ru ekuakua sansan re pha kerẹ ohọroma ri cucumber rẹ abadi na. Ọvo usun rẹ ọdavwẹ rayen, ọyen ayen vwo ru orọnvwọn (yẹrẹ electrode) ra sa vwọ bẹrẹ afọnrhe rọ cha yanran phiọngun vwo kpo uriẹn ra ghwa guọnọ nẹ o te, ọ me rhoma dia lọlọhọ siẹrẹ o de ghwe te uriẹn na nu. Ọyena cha nẹrhẹ e se ru omaẹbẹrẹ ọtiọyena vwẹ idjerhe abavo.

 Die wo rorori? Ohọroma ri cucumber rẹ abadi na mamarhe? Gbanẹ a marọ?