Ewena davwẹngba vwo ru irọbọtu re sa chọn idọktọ uko vwo ru omaẹbẹrẹ re ghwa miavwan ohwo-o. Obọ rẹ octopus rọ nabọ riẹn nuẹ na yen ayen ni vwo ru ọvo usun rẹ irọbọtu tiọyen rẹ ayen ruru.

 Roro: Octopus sa vwẹ abọ ẹrenren rọyen re nabọ riẹn nuẹ na, vwọ yọnrọn yẹrẹ mwẹrhiẹn erọnvwọn, tobọ vwẹ asan ri kekeri dede. Ọ sa nuẹ abọ rọyen vwo kpo kasan kasan, ji ru asan evo vwẹ abọ rọyen ghọn ghọn.

 Ihwo ri ruẹ ehiahiẹ djere nẹ irọbọtu ro vwo obọ rọ nabọ riẹn nuẹ cha nẹrhẹ e se ru omaẹbẹrẹ re ghwa miavwan ohwo ganga-an. Irọbọtu tiọyena cha nẹrhẹ e se sivwin ihwo re guọnọ omaẹbẹrẹ re pha reghe reghe.

 Ni udje rẹ abọ rẹ octopus na

 E ru irọbọtu rọ họhọ obọ rẹ octopus, a je reyọ vwo ru udje rẹ omaẹbẹrẹ abọ buebun re. Ẹbẹre ọvo rẹ obọ na ro gron te inshisi 5 na sa yọnrọn, je nabọ jomaotọ kpara erọnvwọn eghanghanre rehẹ ugboma na, rere obọ ro chekọ na sa mrẹ uphẹn vwo sivwin obo rehẹ obotọ rayen. Dr. Tommaso Ranzani rọ dia ọvo usun rẹ ihwo ri ru irọbọtu na da ta: “Avwanre vwo imuẹro nẹ ọnana cha dia ọ ro me yovwin, rẹ ona rọyen je ma dia ọkpokpọ usun rẹ irọbọtu ri se ruiruo tiọna.”

 Die wo rorori? Obọ rẹ octopus na mamarhe? Gbanẹ a marọ?