Исо Масиҳ ўз қонини тўкиб, тўлов қурбонлигини келтиргани учунгина гуноҳларимиз кечирилиши мумкин. (Эфес. 1:7) Лекин Муқаддас Китобга кўра, Аллоҳ сабр қилиб, «ўтмишда», яъни Исо тўлов қурбонлигини тақдим этишидан олдин «қилинган гуноҳларни кечириб келган». (Рим. 3:25) Хўш, унда қай йўсин Яҳова тўлов қурбонлиги берилишидан аввал гуноҳларни кечириб, шу билан бирга адолат Тангриси бўлиб қолган?

Яҳова Унга ва Унинг ваъдаларига ишонадиганларни қутқариш учун «зурриёт» келишини ваъда қилган. Худо бу ваъдани берганида Унинг назарида тўлов қурбонлиги аллақачон келтирилгандек эди. (Ибт. 3:15; 22:18) Худо ягона севикли Ўғли У тайинлаган вақтда ўзини тўлов қурбонлиги сифатида тақдим этишига юз фоиз ишонган. (Галат. 4:4; Иброн. 10:7–10) Исо ер юзига Худонинг вакили сифатида келганида тўлов тақдим этишидан олдин гуноҳларни кечириш ваколатига эга бўлган. У буни бўлажак қурбонлигининг баҳосини имонли кишиларга қўллаш орқали қила олган. (Мат. 9:2–6)