19Б РАМКАСИ
Оқиб чиқаётган сув дарёга айланади!
Ҳизқиё ваҳийда Яҳованинг маъбадидан оқиб чиқаётган сув мўъжизавий тарзда бор йўғи 2 километрча нарида дарёга айланганини кўрган! Дарё бўйида озуқа ва шифо бўладиган дарахтлар гуркираб ўсаётган эди. Буларнинг бари қандай маънога эга?
Баракалар келтирувчи дарё
ҚАДИМДА. Сургунда бўлганлар она юртига қайтгач, маъбадда яна пок тарзда топинишни бошлаганида Яҳова уларга баракалар ёғдирган
БИЗНИНГ ДАВРИМИЗДА. Пок топиниш 1919 йили тикланганидан бери Худонинг садоқатли хизматчилари беҳисоб маънавий баракалар олмоқда
КЕЛАЖАКДА. Армагеддондан сўнг Яҳова бизга ҳам жисмоний, ҳам маънавий томонлама баракалар ёғдиради
Ҳаётбахш сув
ҚАДИМДА. Яҳова итоаткор халқига уларнинг сони кўпайиб борган бўлса-да, мўл-кўл баракалар ёғдирган ва улар маънан гуллаб-яшнаган
БИЗНИНГ ДАВРИМИЗДА. Кенгайиб бораётган маънавий жаннатда борган сари кўпроқ одамлар Яҳова ёғдираётган маънавий баракалардан фойда олиб, маънан тирилмоқда
КЕЛАЖАКДА. Армагеддондан омон қолганларга миллионлаб тирилган инсонлар қўшилади ва Яҳованинг баракалари ҳамма учун етарли бўлади
Озуқа ва шифо бўладиган дарахтлар
ҚАДИМДА. Яҳова она юртига қайтган садоқатли халқини маънан озиқлантирган. Шунингдек, Худо уларга бутпарастликни ва сохта топиниш билан боғлиқ ҳамма нарсани рад этишга кўмаклашган
БИЗНИНГ ДАВРИМИЗДА. Мўл-кўл маънавий озуқа Худонинг халқига ҳозир дунёда кенг тарқалган маънавий касалликлар ва очликдан сақланишга кўмаклашяпти
КЕЛАЖАКДА. Масиҳ ва у билан ҳукмронлик қиладиган 144 000 киши итоаткор инсониятга мукаммалликка эришишга ва соғлом бўлиб абадий ҳаётдан баҳра олишга ёрдам беришади
