Аллоҳнинг асосий душмани — Шайтондир. У Худога қарши чиққан фаришта. Шайтон ҳалигача Парвардигорга душманлик қилиб, одамларни кўп қийинчиликларга дучор қилиб келмоқда. Шайтон ёвуз. У ёлғончи ва қотил (Юҳанно 8:44).

Кўп бошқа фаришталар ҳам Шайтонга қўшилиб, Худога қарши чиқишди. Муқаддас Китоб уларни жинлар, деб атайди. Шайтон сингари, улар ҳам одамларнинг душманидир. Улар одамларга азоб беришни ёқтиришади (Матто 9:32, 33; 12:22). Эгамиз Яҳова Шайтонни жинларига қўшиб йўқ қилади. Одамзод уларнинг жабр-жафосидан қутулишига оз вақт қолди (Ваҳий 12:12).

Агар Аллоҳнинг дўсти бўлмоқчи бўлсангиз, Шайтонга ёқадиган ишларни қилмаслигингиз лозим. Шайтон ва унинг жинлари Яҳова Таолодан нафратланишади. Улар Худонинг душманлари бўлиб, сизни ҳам Унга душман қилишни хоҳлашади. Сиз эса кимга маъқул келишни танлашингиз керак: Яҳовагами ёки Шайтонгами. Агар мангу яшашни истасангиз, Аллоҳнинг иродасини бажаришингиз лозим. Шайтон одамларни алдаш учун, кўп ҳийла-найрангларини ишга солади. Шу тариқа у кўп инсонларни йўлдан оздирган (Ваҳий 12:9).