Агар дўстингиз яхши фазилатларга эга бўлса, унга тақлид қилишга ҳаракат қиласиз. Забур 24:8да: «Худованд мурувватли ва адолатлидир»,— дейилган. Аллоҳнинг дўсти бўлиш учун, худди шундай яхши фазилатларга эга бўлишимиз керак. Инжилда: «Севикли болалар каби Худога эргашинглар. [...] Муҳаббат билан яшанглар»,— дейилган (Эфесликларга 5:1, 2). Бундай қилишнинг бир неча усуллари қуйида келтирилган:

Ёрдам беришга тайёр бўлинг. «Ҳаммага... яхшилик қилаверайлик» (Галатияликларга 6:10).

Сидқидилдан меҳнат қилинг. «Ўғрилик қилган киши бошқа ўғрилик қилмасин. Балки яхши ишлаб, ўз қўллари билан меҳнат қилсин» (Эфесликларга 4:28).

Жисмонан ҳамда ахлоқан пок бўлинг. «Бадан ва руҳимизни булғовчи ҳар қандай мурдорликдан ўзимизни тозалаб, Худодан қўрқиб яшаб, бутунлай муқаддас бўлайлик» (2 Коринфликларга 7:1).

 Оила-аъзоларингизни севиб, ҳурмат қилинг. «Ҳар бир эр ўз хотинини ўзини ўзи севгандай севсин. Хотин ҳам эрини ҳурмат қилсин. Эй фарзандлар, ота-онангизга итоат қилинглар» (Эфесликларга 5:33-6:1).

Бошқаларга меҳр-муҳаббат кўрсатинг. «Бир-биримизни севайлик. Чунки севги Худодандир» (1 Юҳанно 4:7).

Мамлакатингизнинг қонунларига бўйсунинг. «Ҳар бир одам ҳукмрон ҳокимиятга бўйсунсин. [...] Ҳар бир кишига ўз ҳақини беринглар: солиқ йиғувчига — солиқ» (Римликларга 13:1, 7).