Оятни нима сабабли ўқиётганингиз ҳақида фикр юритинг. Тингловчиларнинг диққатини асосий фикрга қаратиш учун оятни ўқишдан аввал кириш сўзларини айтинг.

Муқаддас Китобга асосланаётганингиз кўринсин. Художўй кишилар билан гаплашганда, уларнинг эътиборини Худонинг Каломига, яъни Муқаддас Китобга қаратинг. Шу йўсин Худонинг фикрларини етказаётганингизни кўрсатасиз.

Оятга нисбатан қизиқиш уйғотинг. Муқаддас Китобдан жавоб топса бўладиган савол келтиринг, муаммони ҳал қилишга кўмаклашадиган оятни айтинг ёки Муқаддас Китоб ёрдамида тушуниш мумкин бўлган принципни таъкидланг.