Ёшуа 12:1–24
12 Исроил ўғиллари босиб олиб, эгалик қилган ерларнинг — Иорданнинг шарқ томонидаги юртларнинг, Арнон водийсидан+ Хермон тоғигача+ бўлган ерларнинг ва шарқ томондаги бутун Арабанинг шоҳлари қуйидагилар+:
2 Хашбонда истиқомат қилган аморийлар шоҳи Сихўн+. У Арнон+ водийси чеккасидаги Ароер+ шаҳрини бошқарган. Арнон водийсининг ўртасидан Явоқ водийсигача* бўлган барча ерлар унга тегишли эди. У шунингдек, Гиладнинг ярми устидан бошқарарди. Явоқ водийси оммонликларнинг чегараси ҳам эди.
3 Сихўн шарқда Арабадан Кенерет денгизигача*+, шунингдек, шарқда Байт-Яшимўтдан Арабадаги денгизгача, яъни Туз денгизигача* ҳамда жануб томонда Фисгах қияликларигача+ бўлган ерлар устидан бошқарар эди.
4 Исроилликлар Башан шоҳи Ўгнинг+ ҳудудини ҳам мулк қилиб олишди. Ўг рафаимлардан охиргиси бўлиб+, Аштарўт ва Эдрейда яшар эди.
5 Унинг бошқаруви остига Хермон тоғи, Салко ва бутун Башан+ кирар эди. Ўг шунингдек, гашурликлар билан махоликларнинг+ чегарасигача ҳамда Гиладнинг ярми устидан, Хашбон шоҳи Сихўннинг+ ҳудудигача бўлган ерларни бошқарар эди.
6 Яҳованинг хизматчиси Мусо ва Исроил ўғиллари уларни мағлуб этишди+. Бундан кейин, Яҳованинг хизматчиси Мусо уларнинг ерларини Рубен билан Гад қабилаларига ва Манаше қабиласининг ярмига эгалик қилиш учун бўлиб берди+.
7 Ёшуа ҳамда Исроил ўғиллари Иордан ғарбидаги шоҳларнинг ерларини — Ливан+ водийсидаги Баал-Гаддан+ Сеирнинг+ қаршисидаги Халак тоғигача+ бўлган ерларни босиб олишди. Кейин Ёшуа уларнинг ерларини Исроил қабилаларига тақсимлаб, ҳар бирига ўз улушини берди+.
8 Уларга хетийлар, аморийлар+, канъонликлар, паризийлар, хивийлар ва ёбусийларнинг ерларини+ — ўртадаги тоғли ҳудудни, Шефелани, Арабани, қияликларни, саҳрони ва Нагавни берди+. Бу ерларни бошқарган шоҳлар қуйидагилар:
9 Ерихо шоҳи+, Байтил ёнидаги Ай шоҳи+,
10 Қуддус шоҳи, Хеврон шоҳи+,
11 Ярмут шоҳи, Лахиш шоҳи,
12 Эглон шоҳи, Гезер шоҳи+,
13 Дебир+ шоҳи, Гедер шоҳи,
14 Хўрмах шоҳи, Арод шоҳи,
15 Либна+ шоҳи, Адуллам шоҳи,
16 Маккедо+ шоҳи, Байтил+ шоҳи,
17 Таппух шоҳи, Хафер шоҳи,
18 Офоқ шоҳи, Лашорўн шоҳи,
19 Мадон шоҳи, Хазор шоҳи+,
20 Шимрон-Марон шоҳи, Ахшоф шоҳи,
21 Танах шоҳи, Махидў шоҳи,
22 Кедеш шоҳи, Кармилдаги Ёхнаём+ шоҳи,
23 Дўр қиялигидаги Дўр шоҳи+, Гилгалдаги Гўйим шоҳи,
24 Тирза шоҳи. Жами 31 та шоҳ.
Изоҳлар
^ Яъни Ўлик денгизгача.
^ Аслида бу кўл. Муқаддас Китобда Генисарет кўли, Жалила ва Тиверия денгизи деб номланади.
