Ёшуа 20:1–9
-
Паноҳ шаҳарлар (1-9)
20 Кейин Яҳова Ёшуага шундай деди:
2 «Исроилликларга қуйидагиларни айт: “Мусо орқали сизларга айтганимдек, ўзларингиз учун паноҳ шаҳарлар ажратинглар+.
3 Борди-ю, кимдир биронтасини тасодифан ўлдириб қўйса, у ўша ерга қочиб борсин. Бу шаҳарлар, қон учун қасос олувчидан сизларни ҳимоя қилади+.
4 Бундай киши ўша шаҳарлардан бирига қочиб борсин+ ва шаҳар дарвозаси ёнида турсин+. У шаҳар оқсоқолларига бўлиб ўтган воқеани баён этсин. Оқсоқоллар уни шаҳарга олиб кириб, ўзлари билан яшаши учун унга шаҳардан жой беришсин.
5 Агар қон учун қасос олувчи уни ортидан қувиб келса, оқсоқоллар уни қасоскорнинг қўлига топширишмасин. Чунки у, ўз яқинини бехосдан ўлдириб қўйган ва аввал ундан нафратланмаган+.
6 Жамоа олдида ҳукм қилингунга қадар+, у киши паноҳ шаҳарда қолсин. У ўша пайтда хизмат қилаётган олий руҳоний вафот этгунча шаҳарда яшасин+. Кейин, одам ўлдирган киши қайси шаҳардан қочиб келган бўлса ўша шаҳарга — ўз шаҳрига ва уйига қайтиб борса бўлади”+».
7 Шундай қилиб, улар Нафтали тоғли ҳудудида жойлашган Жалиладаги Кедешни, Эфрайим тоғли ҳудудидаги Шакамни ва Яҳудо тоғли ҳудудидаги Хират-Арбани, яъни Хевронни шу мақсадда бағишлашди*.
8 Иордан ҳудудининг шарқий қисмида, Ерихонинг яқинида, Рубен қабиласидан ясси тепаликдаги саҳрода жойлашган Базерни+, Гад қабиласидан Гиладдаги Рамўтни+ ва Манаше қабиласидан+ Башандаги Гўлонни ажратишди+.
9 Бу шаҳарлар барча исроилликлар ва уларнинг орасида яшаётган мусофирлар учун ажратилди. Агар кимдир биронтасини тасодифан ўлдириб қўйса, жамоа олдида ҳукм қилингунга қадар паноҳ шаҳарларга қочиб борсин+. Шунда у, қон учун қасос олувчининг қўлидан омон қолади+.
Изоҳлар
^ Ёки «муқаддас қилишди».
