Ёшуа 21:1–45
21 Левилар хонадонлари бошлари руҳоний Элазарнинг+, Нун ўғли Ёшуанинг ва Исроил қабилаларининг хонадонлари бошлари олдига келиб,
2 Канъон юртидаги Шилўда+ уларга: «Яҳова яшашимиз учун шаҳарлар, чорвамиз учун яйловлар берилсин, деб Мусо орқали буюрган эди»+,— дейишди.
3 Шунда Яҳованинг буйруғига биноан, исроилликлар ўзларининг меросидан левиларга шаҳарлар+ ва уларнинг яйловларини беришди+.
4 Қуръа Қоҳот ўғилларига оилалари бўйича тушди+. Руҳоний Ҳоруннинг авлодлари бўлмиш левиларга қуръа бўйича Яҳудо+, Шимўн+ ва Бенямин+ қабилаларининг ҳудудидан 13 та шаҳар берилди.
5 Қоҳотнинг қолган ўғилларига қуръа бўйича Эфрайим қабиласининг+ оилаларига тегишли ҳудуддан, Дан қабиласи ҳамда Манаше қабиласининг ярмига тегишли ҳудуддан ўнта шаҳар берилди+.
6 Гершон ўғилларига+ қуръа бўйича Иссахор қабиласининг оилаларига тегишли ҳудуддан, Ошер ва Нафтали қабилалари ҳамда Башандаги Манаше қабиласининг ярмига тегишли ҳудуддан 13 та шаҳар берилди+.
7 Марори ўғилларига+ оилалари бўйича Рубен, Гад ва Забулун қабилаларига тегишли ҳудуддан 12 та шаҳар берилди+.
8 Шундай қилиб, Яҳова Мусо орқали буюрганидек, исроилликлар қуръа ташлаб шаҳарлар ва уларнинг яйловларини левиларга беришди+.
9 Улар Яҳудо билан Шимўн қабилаларининг ҳудудидан, қуйида номма-ном айтиб ўтилган шаҳарларни беришди+.
10 Биринчи қуръа Леви қабиласидан бўлган Қоҳот оилаларига тегишли Ҳоруннинг ўғилларига тушгани боис, бу шаҳарлар уларга берилди.
11 Уларга Хират-Арбани+ (Арба Иноқнинг отаси эди), яъни Яҳудо тоғли ҳудудидаги Хевронни+ ва унинг яйловларини беришди.
12 Аммо шаҳарнинг далалари ва қишлоқларини Яфунах ўғли Холибга мулк қилиб беришди+.
13 Руҳоний Ҳоруннинг ўғилларига, одам ўлдирган киши учун паноҳ шаҳарларни+, яъни Хевронни+ ва унинг яйловларини ҳамда Либнани+ ва унинг яйловларини,
14 Ятир+ билан Эштамўвани+ ва уларнинг яйловларини,
15 Хўлун+ билан Дебирни+ ва уларнинг яйловларини,
16 Ойинни+, Ютто+ билан Байт-Шамашни ва уларнинг яйловларини беришди. Иккала қабиладан тўққизта шаҳар ажратилди.
17 Бенямин қабиласининг ҳудудидан Гивон+ билан Ғибо ва уларнинг яйловлари+,
18 Онотўт+ билан Элмўн ва уларнинг яйловлари — тўртта шаҳар берилди.
19 Ҳоруннинг авлодларидан бўлган руҳонийларга жами 13 та шаҳар ва уларнинг яйловлари берилди+.
20 Қоҳотнинг қолган оилаларига тегишли левиларга қуръа бўйича Эфрайим қабиласининг ҳудудидан шаҳарлар ажратилди.
21 Одам ўлдирган киши учун уларга паноҳ шаҳарларни+, яъни Эфрайим тоғли ҳудудидаги Шакам+ билан Гезерни+ ва уларнинг яйловларини,
22 Хивзайим билан Байт-Хўронни+ ва уларнинг яйловларини — тўртта шаҳарни беришди.
23 Дан қабиласининг ҳудудидан Элтаха билан Гибитон ва уларнинг яйловлари,
24 Ойжавлон+ билан Гат-Риммон ва уларнинг яйловлари — тўртта шаҳар берилди.
25 Манаше қабиласининг ярмига тегишли ҳудуддан Танах+ билан Гат-Риммон ва уларнинг яйловлари — иккита шаҳар берилди.
26 Қоҳот ўғилларининг қолган оилаларига жами ўнта шаҳар ва уларнинг яйловлари берилди.
27 Леви оилаларидан бўлган Гершон ўғилларига+, Манаше қабиласининг ярмига тегишли ҳудуддан одам ўлдирган киши учун паноҳ шаҳарлар, яъни Башандаги Гўлон+ билан Бештара ва уларнинг яйловлари — иккита шаҳар берилди.
28 Иссахор қабиласига тегишли ҳудуддан+ Хишион билан Доварат+ ва уларнинг яйловлари,
29 Ярмут билан Эн-Ханним ва уларнинг яйловлари — тўртта шаҳар берилди.
30 Ошер қабиласига тегишли ҳудуддан+ Мишол билан Абдўн ва уларнинг яйловлари,
31 Хелкат+ билан Рехоб+ ва уларнинг яйловлари — тўртта шаҳар берилди.
32 Нафтали қабиласининг ҳудудидан одам ўлдирган киши учун паноҳ шаҳарлар+, яъни Жалиладаги Кедеш+ ва унинг яйловлари, Хаммут-Дўр билан Картан ва уларнинг яйловлари — учта шаҳар берилди.
33 Гершон ўғилларига оилалари бўйича жами 13 та шаҳар ва уларнинг яйловлари берилди.
34 Марори ўғилларининг оилаларига+ тегишли қолган левиларга Забулун қабиласининг ҳудудидан+ Ёхнаём+ билан Картах ва уларнинг яйловлари,
35 Димна билан Наҳалил+ ва уларнинг яйловлари — тўртта шаҳар берилди.
36 Рубен қабиласининг ҳудудидан Базер+ билан Яхаз ва уларнинг яйловлари+,
37 Кадамўт билан Мифат ва уларнинг яйловлари — тўртта шаҳар берилди.
38 Гад қабиласининг ҳудудидан+ одам ўлдирган киши учун паноҳ шаҳарлар, яъни Гиладдаги Рамўт+ билан Моханайим+ ва уларнинг яйловлари,
39 Хашбон+ билан Язир+ ва уларнинг яйловлари — жами тўртта шаҳар берилди.
40 Левиларнинг қолган оилаларига, Марори ўғилларининг оилаларига қуръа бўйича жами 12 та шаҳар берилди.
41 Исроилликлар мулкидан левиларга жами 48 та шаҳар ва уларнинг яйловлари ажратилди+.
42 Бу шаҳарларнинг атрофида яйловлар бор эди.
43 Шундай қилиб, Яҳова исроилликларнинг ота-боболарига бераман, деб қасам ичган ерларнинг ҳаммасини берди+ ва улар уни эгаллаб олиб, унда ўрнашди+.
44 Бундан ташқари, Яҳова уларнинг ота-боболарига қасам ичиб айтганидай, уларга ҳар томондан осойишталик ато этди+ ва душманларидан ҳеч бири уларга қарши тура олмади+. Яҳова ғанимларининг ҳаммасини уларнинг қўлига топширди+.
45 Яҳова Исроил хонадонига қандай яхши ваъдалар берган бўлса, бирортаси ҳам бажарилмай қолмади, ваъдаларнинг ҳаммаси рўёбга чиқди+.