Амос 3:1–15
3 Эй Исроил халқи, Яҳованинг сиз ҳақингизда, Мисрдан олиб чиққан бутун халқ тўғрисида айтган сўзларини тингланг:
2 “Ер юзидаги барча халқлар ичидан фақат сизларни яқиндан биламан+.
Мана шу сабабли ҳамма гуноҳларингиз учун жавобгарликка тортаман+.
3 Агар икки киши келишиб олмаса, бирга йўлга чиқа оладими?
4 Ўрмонда ўлжа бўлмаса, шер ўкирадими?
Овлайдиган ҳеч нарса бўлмаса, ёш шер маконидан туриб бўкирадими?
5 Ерда тузоқ қўйилмаган бўлса*, қуш тўрга тушадими?
Тузоққа ҳеч нарса илинмаса, сиртмоқ тортиладими?
6 Шаҳарда бурғу чалинса, одамлар титрамайдими?
Яҳова юбормаса, шаҳарга фалокат келадими?
7 Хизматкорлари бўлмиш пайғамбарларга сирларини очмай туриб,Олий Ҳукмдор Яҳова ҳеч нарса қилмайди+.
8 Шер бўкирганда+ ким қўрқмайди?
Олий Ҳукмдор Яҳова айтган бўлса, қайси пайғамбар жим туради?”+
9 Ашдоднинг мустаҳкам минораларидан,Мисрнинг мустаҳкам минораларидан буни эълон қилинг:
“Самария тоғларида тўпланинг+.У ердаги тартибсизлигуТовламачиликка бир қаранг+.
10 Чунки улар тўғрилик нима эканини билмайди.Мустаҳкам минораларини зўравонлигу, вайронагарчилик билан тўлдиришяпти”,— демоқда Яҳова.
11 Шунинг учун Олий Ҳукмдор Яҳова бундай деб айтмоқда:“Душман юртни ўраб олади+,У сени кучдан қолдиради,Мустаҳкам минораларингни талон-торож қилади”+.
12 Яҳова шундай демоқда:“Чўпон шернинг оғзидан қўйнинг икки оёғи ёки қулоғининг бир парчасини тортиб олганидай,Самарияда безатилган тўшакларда, энг яхши ўриндиқларда ўтирганИсроил халқидан озчилик омон қолади”+.
13 Қўшинлар Сарвари, Олий Ҳукмдор Яҳова шундай деб эълон қилмоқда: “Эшитинг, Ёқуб хонадонини огоҳлантиринг*.
14 Ўша куни Мен Исроил халқини барча исёнлари* учун жавобгарликка тортаман+,Байтилдаги қурбонгоҳларни ҳам бузиб ташлайман+.Барча қурбонгоҳларнинг шохларини кесиб ташлайман ва улар ерга тушиб ётади+.
15 Қишки сарой билан бирга ёзги саройни бузиб ташлайман”.
“Фил суягидан ясалган уйлар йўқ бўлиб кетади+,Ҳашаматли* иморатлар вайрон бўлади”+,— демоқда Яҳова.
Изоҳлар
^ Бошқа вариант «Тузоққа хўрак қўйилмаган бўлса».
^ Ёки «Ёқуб хонадонига қарши гувоҳлик беринг».
^ Ёки «жиноятлари».
^ Бошқа вариант «Кўплаб».
