Амос 8:1–14
8 Олий Ҳукмдор Яҳова ваҳийда менга мана буни кўрсатди: ёзги мевалар солинган бир сават турган эди.
2 Шунда У мендан: “Амос, нимани кўряпсан?” — деб сўради. Мен жавобан: “Ёзги мевалар солинган саватни”,— дедим. Яҳова эса менга: “Халқим Исроилнинг куни битди. Энди уларни кечирмайман”+,— деб айтди.
3 Олий Ҳукмдор Яҳова шундай демоқда: “Ўша куни маъбадда* айтиладиган қўшиқлар йиғига айланади+. Ҳар ерда жасадлар сочилиб ётади+. Сукут сақлансин!”
4 Тингланг, ҳой, камбағални оёғости қилаётганлар,Юртдаги камтар* кишиларни йўқ қилаётганлар+.
5 Сизлар бундай дейсиз: “Қанийди янги ой шодиёнаси тугаса-ю+, ғалламизни сотсак,Шаббат тезроқ ўтса-ю+, донимизни бозорга олиб борсак.
Эфа* идишларини кичрайтирардик,Шекел* оғирлигини ошириб,Тарозидан уриб алдардик+.
6 Муҳтожни кумуш,Камбағални бир жуфт сандал эвазига сотиб олардик+,Доннинг чиқитини ҳам пуллардик”.
7 Ёқубнинг фахри Яҳова+ Ўзи ҳаққи қасам ичмоқда:“Уларнинг қилмишларини асло унутмайман+.
8 Шу боис юрт* ларзага келади,Унда яшовчи ҳар бир киши мотам тутади+.
Бутун юрт Нил каби кўтарилади,Мисрдаги Нил дарёсидай тошиб қайта босилади”+.
9 Олий Ҳукмдор Яҳова шундай демоқда:“Шундай қиламанки, ўша куни қуёш пешинда ботади,Куппа-кундузи юртни зулмат қоплайди+.
10 Байрамларингизни азага+,Қўшиқларингизни мотам қўшиғига айлантираман.
Ҳамманинг белига жул ўраб, бошини кал қиламан.Ўшанда ёлғиз ўғли учун аза тутган одамдай қайғуга ботасизлар.Бу куннинг якуни нақадар аччиқ бўлади”.
11 Олий Ҳукмдор Яҳова бундай демоқда: “Шундай кун келяптики,Юртга очарчилик юбораман.Одамлар ейиш учун нонга ёки ичиш учун сувга эмас,Балки Яҳованинг сўзларини тинглашга зор бўлади+.
12 Улар у денгиздан бу денгизга,Шимолдан шарққача кезиб юради.
Яҳованинг каломини қидириб сарсон бўлади, аммо топа олмайди.
13 Ўша куни гўзал қизларуЙигитлар ташналикдан ҳушидан кетишади.
14 Улар Самариянинг бутлари+ ҳаққи қасам ичиб:“Эй Дан+, худойинг тириклиги ҳаққи!”
Ҳамда: “Бэршэвага олиб борувчи йўл+ ҳаққи!” — дейишади.
Улар қулаб, асло ўрнидан туришмайди”+.
