Аюб 35:1–16
35 Элиху сўзларини қуйидагича давом эттирди:
2 «Ҳақ эканингизда шунчалик аминмисизки,Сиз гўё: “Мен Худодан кўра одилроқман”,— деб айтяпсиз?+
3 Чунки сиз: “Одил бўлишимдан сенга* нима фойда?
Ундан кўра гуноҳ қилганим яхши эмасми?”+ — деяпсиз.
4 Сизга ҳам, дўстларингизга+ ҳам,Айтадиган гапим бор.
5 Бошингизни кўтариб, осмонга назар солинг.Булутларга қаранг+, улар сиздан қанчалик юқорида.
6 Борди-ю, гуноҳ қилсангиз, Худога зарар келтира олармидингиз?+
Хатоларингизни кўпайтирсангиз, Унга таъсир қила олармидингиз?+
7 Агар одил бўлсангиз, Унга бирор нарса бера оласизми?У сизнинг қўлингиздан бирор нарса оладими?+
8 Ёвузлигингиз сиз каби инсонгагина таъсир қилади,Одиллигингиздан фақат одамлар фойда кўради.
9 Қаттиқ зулм остида халқ нола қилиб,Кучлиларнинг қўлидан халос этилишни ёлвориб сўрайди+.
10 Аммо ҳеч ким: “Кечалари қўшиқ куйлашга+ илҳомлантирган Тангрим,Буюк Яратувчим+ қаерда?” — деб сўрамайди.
11 У бизга ердаги ҳайвонларга қараганда кўпроқ+ таълим беради+,Самодаги қушлардан кўра донороқ қилади.
12 Ёвузларнинг мағрурлиги дастидан+,Халқ ёлворса ҳам, У жавоб қайтармайди+.
13 Шубҳасизки, Аллоҳ беҳуда фарёдларни* эшитмайди+,Қодир Тангри бундай фарёдларга эътибор қаратмайди.
14 Айниқса Уни кўрмадим деб даъво қилсангиз+, У тингламайди.
Масалангизни У кўриб чиқар экан, Уни сабрсизлик билан кутинг+.
15 Чунки У жаҳл устида сизни жавобгарликка тортмади.Ҳаддан ортиқ бемулоҳазалик қилганингизга эътибор бермади+.
16 Аюб эса бекорга оғзини катта очди,Билимга эга бўлмай туриб, гапни кўпайтирди»+.
