Гўзал қўшиқ 3:1–11
3 Тунлари тўшагимда ётганимдаСевгилим ҳақида ўйладим+.
Уни кўришни жуда истадим, лекин тополмадим+.
2 Ўрнимдан туриб шаҳар кездим.Кўчалару шаҳар майдонларидаСевгилимни қидирдим.
Уни изладим, лекин тополмадим.
3 Қўриқчилар шаҳар кезиб юрганида мени кўриб қолишди+.
Мен улардан: “Суюкли ёримни кўрмадингизми?” — деб сўрадим.
4 Уларнинг олдидан кетишим биланоқСуюкли ёримни топдим.
Волидамнинг уйига+,Мени дунёга келтирган онамнинг ички хонасига олиб келмагунимча,Уни маҳкам ушлаб, қўйиб юбормадим.
5 Эй Қуддус қизлари,Ғизоллару ёввойи кийиклар билан қасам ичинг:
Туйғулар ўзи пайдо бўлмагунча менда севгини уйғотманг, қўзғатманг»+.
6 «Саҳродан тутун устунига ўхшаб кўтарилиб келаётган,Савдогарнинг хушбўй ҳидли кукунлари,Мирра ва хушбўй смола* ҳидини таратиб келаётган нарса нима экан?»+
7 «Қаранглар, бу Сулаймоннинг тахтиравони-ку!Унинг атрофида олтмишта баҳодир,Исроилнинг қудратли жангчилари бор+.
8 Уларнинг ҳаммаси қилич билан қуролланган,Ҳаммаси маҳоратли жангчи.Ҳар бири белига қиличини боғлабТуннинг ваҳимасидан асрайди».
9 «Бу, шоҳ Сулаймоннинг савлатли тахтиравони.Уни ўзи учун Ливан* дарахтларидан ясаттирган+.
10 Тахтиравоннинг устунлари кумушдан,Суянчиқлари тилладан,
Ўриндиғи қирмизи жундан.Ичини Қуддус қизлариМеҳр ила безатишган».
11 «Чиқинглар, эй Сион қизлари,Шоҳ Сулаймонга қаранглар!Тўйи куни,Юраги шод бўлган куни,Онаси+ у учун ясаттирган бошидаги никоҳ тожини* кўринглар».
