Гўзал қўшиқ 4:1–16
4 «Нақадар гўзалсан, севгилим!
Нақадар гўзалсан!
Ёпинчиқ ортида яширилган кўзларинг кабутарникидай.
Сочларинг Гилад тоғларидан+ ёйилиб тушаётганЭчки подасидайдир.
2 Жуни қирқилган, чўмилтирилганҚўй подасига ўхшар тишларинг.Ҳар бирининг эгизи бор,Бирортасининг қўзичоғи йўқолмаган.
3 Лабларинг бамисли қирмизи ип,Сўзларинг кўнгилга малҳамдир.Ёпинчиқ ортида яширилган ёноқларинг*Анор бўлакчасидайдир.
4 Бўйнинг+ тошлардан терилганДовуд минорасидайдир+.Унга минглаб қалқонлар осилган.Ҳаммаси кучли жангчиларнинг думалоқ қалқонларидир+.
5 Кўкракларинг лолалар орасида ўтлаб юрганБир жуфт кийик боласидай+,Эгиз ғизоллардайдир».
6 «Салқин шамол эсиб турганида, соя борлигида,Мен мирра тоғига чиқаман,Хушбўй смола тепалигига кўтариламан»+.
7 «Ҳар жиҳатдан гўзалсан, севгилим+,Сенда ҳеч қандай нуқсон йўқ.
8 Эй келинчагим, юр кетайлик Ливандан,Юр кетайлик Ливандан+.
Эмона* чўққисидан,Санир ва Хермон чўққисидан+,Шерлар маконидан, қоплонлар тоғидан пастга тушайлик.
9 Эй севгилим, келинчагим, сен қалбимни асир қилдинг+.Қалбимни асир этдинг биргина кўзларинг нигоҳи ила,Бўйнингдаги битта мунчоғинг ила.
10 Эй севгилим, келинчагим, нақадар ёқимли севги изҳорларинг!+
Севги изҳорларинг шаробдан+,Атиринг иси ҳар қандай хушбўй ҳиддан*+ ёқимлироқ!
11 Эй келинчагим, лабларингдан бол томар+.
Тилинг тагида асал ва сут бор+,Кийимларинг ифори Ливан ўрмонининг ҳидига ўхшар.
12 Севгилим — келинчагим қулфланган боққа,Девор билан ўралган боққа, ёпиб қўйилган булоққа ўхшар.
13 Шохларинг* анор ўсадиган жаннат боғидир.Унда сара мевалар, хинаю хушбўй сунбуллар,
14 Хушбўй сунбул+, заъфарон, муаттар ҳидли қамиш+, долчин+,Хушбўй смола олинадиган турли хил дарахтлар, мирра, алоэ+Ҳамда сара хушбўй ўсимликлар бор+.
15 Сен боғдаги булоқ, тоза сув қудуғисан,Ливандан оқиб тушаётган жилғасан+.
16 Уйғон, эй шимол шамоли;Кел, эй жануб шамоли.
Эсгин менинг боғимга.
Токи таралсин унинг ифори».
«Азизим ўз боғига кириб,
Сара меваларидан есин».