Гўзал қўшиқ 6:1–13
6 «Эй гўзалларнинг гўзали,Севгилинг қаерда?
Ёринг қайси йўлдан кетди?
Сен билан уни излагани борайлик».
2 «Суюкли ёрим кетди ўз боғига,Муаттар ҳидли гулзорга,Боғлар аро сурувини боқиш учун,Лолалар териш учун+.
3 Мен азизимга тегишлиман,Азизим эса меникидир+.
У лолалар ичида сурувини боқяпти»+.
4 «Севгилим+, сен Тирза*+ каби жозибадорсан,Қуддус сингари мафтункорсан+,Байроқлари олдида тўпланган аскарлардай савлатлисан+.
5 Менга тикилиб қарама+,Чунки кўзларинг мени асир этди.
Сочларинг Гилад ёнбағирларидан ёйилиб тушаётганЭчки подасидайдир+.
6 Тишларинг чўмилтирилганҚўй подасига ўхшар.Ҳар бирининг эгизи бор,Бирортасининг қўзичоғи йўқолмаган.
7 Ёпинчиқ ортида яширилган ёноқларингАнор бўлакчасидай.
8 Менда 60 та малика,80 та канизакВа сон-саноқсиз қизлар бўлса-да+,
9 Аммо биргина кабутарим+, беғуборим бор.
У онасининг ёлғизи,
Уни туққан аёлнинг арзандаси.
Қизлар уни кўриб, у бахтлидир, дейишади.Маликаю канизаклар уни мақташади.
10 “Тонгдай ёрқин,Тўлин ойдай гўзал,Қуёш нуридай пок,Байроқлари олдида тўпланган аскарлардай савлатли ким экан?”»+
11 «Водийда куртак отганини кўриш учун,Токлар кўкарганмикин,Анор дарахтлари гуллаганмикин, деяЁнғоқ боғига тушдим+.
12 Шу истак биланЎзим билмаган ҳолда,Олижаноб халқимнинг аравалари олдига келиб қолибман».
13 «Қайт, қайт, эй шунамлик қиз!
Қайт, қайта қол,Чиройингни яна бир кўрайлик!»
«Шунамлик қизга қараб нима қиласизлар?»+
«У рақсга тушаётган иккита гуруҳга* ўхшайди!»
