Гўзал қўшиқ 7:1–13
7 «Эй олийҳиммат қиз,Сандал кийган оёғинг нақадар гўзал!
Думалоқ сонларинг устанинг қўллари ясаганЗеб-зийнатлардай.
2 Киндигинг бамисоли юмалоқ коса.
Хушбўй шароб ундан асло аримасин.
Қорнинг эса лолалар билан ўралганБуғдой уюми кабидир.
3 Кўкракларинг бир жуфт кийик боласидай,Эгиз ғизоллардайдир+.
4 Бўйнинг+ фил суягидан ясалган минорадай+,
Кўзларинг+ Ботрабим дарвозаси олдидагиХашбон+ ҳовузларидай.
Бурнинг Дамашққа қараганЛиван минорасидай.
5 Бошинг Кармил тоғидай баланд туради+,Жингалак сочларинг+ тўқ қизилга бўялган жун каби+.
Тўкилиб турган сочларингга шоҳ шайдо бўлди.
6 Бунчалар хушрўй, бунчалар сулувсан,Эй дилбар, сен ҳузурбахш неъматлардан ортиқсан!
7 Қадди-қоматинг пальма дарахтидай,Кўкракларинг эса хурмо ғужумларидай+.
8 Мен дедим: “Пальма дарахтига чиқиб,Новдаларидаги мевасидан ушлайман”.
Кўкракларинг узум шингилларидай,Нафасинг хушбўй олмалардай,
9 Дудоғинг аъло шаробдай бўлсин».
«Бу шароб суюкли ёрим учун силлиққина тўкилсин,Ухлаётганларнинг лабларидан оҳиста оқсин.
10 Мен азизимга тегишлиман+,У эса мени қўмсайди.
11 Кел, менинг азизим,Юр, далаларга чиқайлик.Хина буталари аро макон қурайлик+.
12 Кел, саҳарда туриб, узумзорга борайлик,Ток кўкарганмикин,Гуллар очилганмикин+,Анорлар гулга кирганмикин, кўрайлик+.
Ўша ерда сенга севгимни изҳор қиламан+.
13 Меҳригиёҳлар+ ифорини таратар,Эшигимиз олдида хилма-хил сара мевалар+.
Янгисию эскисини,Эй менинг азизим, сен учун сақлаб қўйганман.
