Еремиё 30:1–24
-
Қайта тикланиш ва шифо топиш (1-24)
30 Яҳованинг қуйидаги сўзи Еремиёга аён бўлди:
2 «Исроил Худоси Яҳова шундай демоқда: “Мен сенга айтган барча сўзларни китобга ёзиб қўй.
3 Чунки Яҳова демоқда: “Шундай кунлар келяптики, Мен асирликда бўлган халқимни — Исроил билан Яҳудони йиғаман+,— демоқда Яҳова. — Мен уларни ота-боболарига берган юртга қайтараман ва улар яна унга эгалик қилишади”»+.
4 Яҳованинг Исроил билан Яҳудога айтган сўзлари.
5 Яҳова шундай демоқда:
«Саросимага тушганларнинг шовқинини эшитдик.Бу ерда фақат ваҳима, ҳеч тинчлик йўқ.
6 Қани, сўраб кўринглар-чи, эркак киши туға оладими?
Унда нега ҳар бир кучли эркак қорнини* ушлаб,Туғадиган аёлдай юрибди?+
Нега ҳамманинг юзи оқариб кетган?
7 Эвоҳ! Бу даҳшатли кун!+
Унга ўхшаши бўлмаган.Бу кун Ёқуб учун азоб пайти.
Аммо у бундан қутқарилади».
8 «Ўша куни,— демоқда Қўшинлар Сарвари Яҳова,— уларнинг бўйнидаги бўйинтуруқни синдириб ташлайман, қайишларини узиб ташлайман. Бегоналар уларни бошқа қул қилиб олмайди.
9 Улар Менга — Худоси Яҳовага ҳамда Мен улар учун тайинламоқчи бўлган шоҳи Довудга хизмат қилишади»+.
10 «Сен эса қўрқма, эй хизматчим Ёқуб,— демоқда Яҳова.— Ваҳимага тушма, эй Исроил+.
Мен сени узоқ жойдан,Авлодингни асирликда бўлган юртдан қутқараман+.
Ёқуб қайтади ва тинч-осойишта яшайди,Уларни ҳеч ким қўрқитмайди»+.
11 «Сени қутқариш учун, Мен сен биланман,— демоқда Яҳова.
— Сени Ўзим халқлар орасига тарқатиб юборган эдим. Бироқ уларнинг барчасини йўқ қиламан+.Сени эса йўқ қилмайман+.
Сенга етарлича тарбия бераман,Асло жазосиз қолдирмайман»+.
12 Яҳова шундай демоқда:
«Яранг бедаво,
Жароҳатинг ҳеч тузалмайди+.
13 Ярангни даволаш учун,Ёнингни оладиган ҳеч ким йўқ,
Сенга шифо топилмас.
14 Барча эҳтиросли ўйнашларинг сени унутди+.
Улар сени изламай қўйишди.
Улкан хатоинг ва кўплаб гуноҳларинг туфайли+,Душман ургандай сенга зарба бераман+,Шафқатсиз киши жазолагандай жазолайман.
15 Нега энди яранг дастидан йиғлаяпсан?
Дардинг бедаво!
Улкан хатоинг ва кўплаб гуноҳларинг туфайли+,Сени шу кўйга солдим.
16 Сени вайрон қилганлар вайрон бўлишади+.Барча душманларинг асир қилиб олиб кетилади+.
Сени талон-торож қилганлар талон-торож бўлади.Сени талаганларни талончилар қўлига бераман»+.
17 «Улар сени “бадарға қилинган” деб атаб:“Сионни излайдиган ҳеч ким йўқ”+,— деган бўлишса ҳам,
Мен соғлигингни тиклайман, жароҳатларингни даволайман»+,— демоқда Яҳова.
18 Яҳова шундай демоқда:
«Мен Ёқубнинг чодирларига қайтиб келиб, асирларини йиғаман+,Унинг чодирларига раҳм қиламан.
Шаҳар ўз тепалигида қайта қурилади+,Мустаҳкам минораси ўз ўрнида туради.
19 Улар шукрона айтиб, хурсандчиликдан ҳайқиришади+.
Мен уларни кўпайтираман, улар камаймайди+.Уларни сон-саноқсиз* қиламан,Улар озчилик бўлмайди+.
20 Ёқубнинг ўғиллари аввалгидай гуллаб-яшнайди,Унинг жамоаси Менинг олдимда мустаҳкам туради+.
Унга зулм ўтказувчиларни жазолайман+.
21 Унинг улуғвор одами,Ҳукмдори ўзининг ичидан келиб чиқади.
Ўзимга яқинроқ келишига изн бераман ва у Менга яқинлашади».
«Бўлмаса кимнинг Менга яқинлашишга ҳадди сиғарди?» — демоқда Яҳова.
22 «Сизлар Менинг халқим+, Мен эса сизларнинг Худойингиз бўламан»+.
23 Яҳованинг қаҳри бўрондай кўтарилади+.Шиддатли қуюндай ёвузларнинг бошига тушади.
24 Кўнглидаги ниятларини бажариб, амалга оширмагунча,Яҳова оташин ғазабидан тушмайди+.
Охирги кунларда буни тушунасизлар+.
