Еремиё 45:1–5
-
Яҳованинг Борухга хабари (1-5)
45 Яҳудо шоҳи Йўшиё ўғли Ёҳайиқим ҳукмронлигининг тўртинчи йили+, Нерияҳ ўғли Борух+ Еремиё пайғамбар айтиб турган мана бу сўзларни ўрама битикка ёзди+:
2 «Эй Борух, Исроил Худоси Яҳова сен ҳақингда шундай демоқда:
3 “Сен: “Ҳолимга вой, Яҳова дардимга дард қўшди! Оҳу нолам дастидан тинка-мадорим қуриди, тинчимни йўқотдим”,— дединг”.
4 Яна Борухга айт: “Яҳова шундай демоқда: “Ўзим барпо қилганимни бузиб ташлайман, нимани эккан бўлсам, илдизи билан қўпориб ташлайман. Буни бутун юрт бўйлаб амалга ошираман+.
5 Бироқ сен ўзинг учун буюк нарсаларни орзу қиляпсан. Бундай нарсаларни орзу қилма”.
Яҳова шундай демоқда: “Мен барча одамларнинг бошига мусибат ёғдирмоқчиман+. Сен эса қаерга борма, жонингни омон сақлайман*”»+.
Изоҳлар
^ Сўзма-сўз «ўлжа қилиб бераман».
