Забур 103:1–22
Довуд саноси.
103 Эй жоним, Яҳовани мадҳ эт,Бутун борлиғим Унинг муқаддас исмини мадҳ этсин.
2 Эй жоним, Яҳовани мадҳ эт,Қилган барча ишларини асло унутма+.
3 У ҳамма хатоларингни кечириб+,Барча хасталикларингга шифо беради+.
4 У ҳаётингни ўлимдан* қутқариб+,Бошингга меҳр-садоқат ва раҳм-шафқат тожини кийдиради+.
5 Бутун умр У сени неъматлар билан қондиради+.Шунда бургутдай ёш ва кучли бўласан+.
6 Барча эзилганлар учун+Яҳова адолат+ ва ҳаққоният ила йўл тутади.
7 У Ўз йўлларини Мусога+,Ишларини Исроил ўғилларига намоён этди+.
8 Яҳова шафқатли ва раҳмдил*+,Сабр-тоқатли*, меҳр-садоқатга* бойдир+.
9 У нуқсон излаб юрмайди+,Абадий дарғазаб ҳам бўлмайди+.
10 Гуноҳларимизга қараб бизга муомала қилмайди+,Хатоларимизга яраша бизни жазоламайди+.
11 Осмон ердан қанчалик баланд бўлса,Меҳр-садоқати ҳам Ундан қўрқадиганларга шунчалик буюкдир+.
12 Шарқ ғарбдан қанчалик узоқ бўлса,Қилмишларимизни биздан шу қадар узоқлаштиради+.
13 Ота ўғилларига раҳм қилганидай,Яҳова ҳам Ундан қўрқадиганларга марҳаматлидир+.
14 Чунки қандай ясалганимизни У яхши билади+,Тупроқ эканимизни ёдида тутади+.
15 Ўткинчи инсоннинг ҳаёти майсанинг умри кабидир+,У дашт гулидай гуллайди+.
16 Аммо шамол эсса, у йўқ бўлиб кетади,Ҳеч қачон у ерда ўсмагандай бўлади.
17 Яҳова эса меҳр-садоқатиниУндан қўрқадиганларга тоабад намоён этади+.Адолатини уларнинг невараларига+,
18 Унинг аҳдига риоя этадиганларга+,Фармонларига астойдил амал қилганларга кўрсатади.
19 Яҳова осмонда тахтини мустаҳкам ўрнатган+,У шоҳ бўлиб барча нарса устидан бошқармоқда+.
20 Яҳовани мадҳ этинг, эй, жамики қудратли фаришталар!+Унинг амрларига қулоқ солиб, айтган сўзини адо этинг+.
21 Яҳовани мадҳ этинг, эй, Унинг барча қўшинлари+,Иродасини бажо келтираётган хизматкорлари!+
22 У қаерда ҳукмронлик қилмасин,Яҳовани мадҳ этинг, эй, Унинг ҳамма яратганлари!
Бутун борлиғим Яҳовани мадҳ этсин!
Изоҳлар
^ Ёки «чуқурдан».
^ Ёки «марҳаматли».
^ Ёки «Ғазабланишга шошмайдиган».
^ Ёки «меҳр-иноятга».
