Забур 116:1–19
116 Мен Яҳовани яхши кўраман,Боиси, У ёрдам сўраб қилган илтижоимни эшитади*+.
2 У энгашиб менга қулоқ тутади+,То тирик эканман мен Уни чақираман.
3 Ўлим арқонлари мени ўраб олди,Мозор* ўз домига тортди+.
Ғам-ғуссага ботиб қолдим+.
4 Шунда мен: «Эй Яҳова, жонимни қутқар»,— дея,
Яҳованинг исмини айтиб чақирдим+.
5 Яҳова раҳмдил* ва адолатлидир+,Бизнинг Худойимиз раҳм-шафқатга бойдир!+
6 Яҳова тажрибасизларни қўриқлайди+.
Хор-зор бўлганимда, У мени қутқарди.
7 Энди жоним* ором топади,Зеро, Яҳова менга яхшилик қилди.
8 Сен жонимни ўлимдан асраб қолдинг,Мени овутдинг, қоқилиб кетишимга йўл қўймадинг+.
9 Мен ёруғ дунёда*, Яҳованинг кўз олдида юраман.
10 Қаттиқ азоб чекканимга қарамай,Имоним борлиги учун гапирдим+.
11 Ваҳимага тушиб:
«Одамларнинг бари ёлғончи»+,— дедим.
12 Яҳованинг менга қилган яхшиликлариниҚандай қайтараман?
13 Мен нажот косасини оламан,Яҳованинг исмини айтиб чақираман.
14 Яҳовага ичган қасамларимниБутун халқи олдида бажараман+.
15 Садоқатли хизматчиларининг ўлимиЯҳованинг назарида қимматбаҳодир+.
16 Эй Яҳова, Сенга ёлвораман,Чунки Сенинг хизматкорингман.
Мен чўрингнинг ўғли, Сенинг хизматкорингман.
Сен мени кишанлардан озод этдинг+.
17 Сенга шукрона қурбонлигини келтираман+,Мен Яҳованинг исмини айтиб чақираман.
18 Яҳовага ичган қасамларимни бажараман+,Унинг бутун халқи олдида+,
19 Яҳова уйининг ҳовлиларида+,Сенинг марказингда, эй, Қуддус шаҳри!
Яҳни мадҳ этинг!*+
Изоҳлар
^ Бошқа вариант «Мен яхши кўраман, чунки Яҳова эшитади».
^ Ёки «марҳаматли».
^ Сўзма-сўз «тириклар диёрида».
^ Ёки «Ҳаллелуя!» «Яҳ» — бу Яҳова деган исмнинг қисқача шакли.
